చివరి రెండు మ్యాచ్ లలో సన్రైజర్స్ హైదరాబాద్ జట్టు మంచి రన్ రేటు తో విజయం సాధించాలి... అంతేకాకుండా కింగ్స్ ఎలెవన్ పంజాబ్ జట్టు మ్యాచ్ ఓడిపోవాల్సి ఉంటుంది. లేదా ఢిల్లీ క్యాపిటల్స్ జట్టు తర్వాత రెండు మ్యాచ్ లలో ఓటమిపాలైన సన్రైజర్స్ జట్టుకి ప్లే ఆఫ్ చేరే అవకాశం సజీవంగానే ఉంటుంది. అయితే ఇక మిగతా జట్ల ఓటమి అన్నది పక్కన బెడితే సన్రైజర్స్ మాత్రం రాబోయే రెండు మ్యాచ్ల్లో తప్పనిసరిగా మంచి విజయం సాధించడం ఎంతో ముఖ్యం.
ఇక్కడ మరో కిటుకు ఏమిటంటే సన్రైజర్స్ హైదరాబాద్ జట్టు ఆడబోయే రెండు మ్యాచ్ లు కూడా ప్రస్తుతం వరుస విజయాలతో పాయింట్ల పట్టిక లో టాప్ ప్లేస్ లో కొనసాగుతున్న ముంబై ఇండియన్స్... రాయల్ ఛాలెంజర్స్ బెంగుళూరు జట్లతో ఉండడం గమనార్హం. అయితే ఇప్పటికే షార్జాలో ముంబై తో మ్యాచ్ ఆడిన సన్రైజర్స్ ఓడిపోయిన విషయం తెలిసిందే. కాగా ఇప్పుడు పాయింట్ల పట్టిక లో టాప్ ప్లేస్ లో ఉన్న ఈ రెండు జట్లను సన్రైజర్స్ ఓడించగలగడం సన్ రైజర్స్ ముందు ఉన్న పెద్ద టాస్క్ . చూడాలి మరి ఏం జరుగుతుందో.