ఇంటర్నెట్ డెస్క్: అయ్యర్ గైర్హాజరీలో తొలి సారి కెప్టెన్సీ పగ్గాలు చేపట్టిన రిషబ్ పంత్‌పై ఢిల్లీ హెడ్ కోచ్ రికీ పాంటింగ్ పంత్‌ను ఆకాశానికెత్తేస్తున్నాడు. తనకు రిషబ్‌ పంత్‌లో కోహ్లీ, విలియమ్సన్‌లు కనిపిస్తున్నారంటూ ప్రశంసలతో ముంచెత్తుతున్నాడు. అతడి దూకుడులో కోహ్లీ కనిపిస్తుంటే, కెప్టెన్సీలో విలియమ్సన్‌ను గుర్తుకు తెస్తున్నాడని ప్రశంసల్లో ముంచెత్తాడు. ఈ ఐపీఎల్‌లో పంత్‌ ఏ స్థానంలో బ్యాటింగ్‌ రావాలనే దానిపై తమకు క్లారిటీ లేదని, కానీ అతనికి నాలుగు, ఐదు స్థానాల్లో బ్యాటింగ్‌ బాగా కలిసొచ్చిందని, ఆ స్థానాల్లోనే అతడు బ్యాటింగ్‌కు దిగేలా చూస్తామని చెప్పాడు. అయితే కీపింగ్‌లో మాత్రం పంత్ కొంత మెరుగవ్వాలని, కొన్నిసార్లు అనవసర తప్పులు చేస్తున్నాడని, వాటిని సరిదిద్దుకుంటే అతడు మేటి కీపర్‌గా కూడా పేరు తెచ్చుకోగలడని అన్నాడు. అయితే రాజస్థాన్‌తో మ్యాచ్ ముందు పంత్‌పై ఆ జట్టుకోచ్ ఈ స్థాయిలో ప్రశంసలు కురిపించడం వైరల్‌గా మారింది.

ఇదిలా ఉంటే సీఎస్‌కేతో జరిగిన మ్యాచ్‌లో ఢిల్లీ క్యాపిటల్స్‌ 189 పరుగుల లక్ష్యాన్ని 3 వికెట్లు మాత్రమే కోల్పోయి చేధించింది. ఆ జట్టు ఓపెనర్లు పృధ్వీ షా(72), శిఖర్ ధవన్(85) విజృంభించి ఆడడంతో ఢిల్లీ జట్టు భారీ లక్ష్యన్ని సులభంగా ఛేదించింది. వీరిద్దరి మెరుపు ఇన్నింగ్స్‌లు ఆడడంతో కేవలం 18.4 ఓవర్లలోనే ఢిల్లీ 3 వికెట్ల నష్టానికి 190 పరుగులు చేసి సునాయాసంగా విజయం సాధించింది. తొలి మ్యాచ్‌ విజయం సాధించి ఉత్సాహంలో ఉన్న ఢిల్లీ క్యాపిటల్స్‌ రేపు రాజస్తాన్‌ రాయల్స్‌తో తలపడనుండడంతో ఈ పోటీపై భారీ అంచనాలే ఉన్నాయి.

కాగా.. ఐపీఎల్‌ 14వ సీజన్‌లో కొత్తగా గురువారం జరగబోతున్న రాజస్థాన్-ఢిల్లీ మ్యాచ్‌ జరగనుంది. ఈ మ్యాచ్‌లో ఈ సీజన్ ద్వారా తొలిసారి కెప్టెన్ బాధ్యతలు చేపట్టిన ఇద్దరు టీమిండియా యువ ఆటగాళ్లు తలపడబోతుండడం అభిమానుల్లో తెగ ఆసక్తి పెంచుతోంది. రాజస్థాన్ రాయల్స్ కెప్టెన్ సంజు శాంసన్, ఢిల్లీ కెప్టెన్ ఢిల్లీ క్యాపిటల్స్‌ కెప్టెన్ రిషబ్ పంత్ ఈ మ్యాచ్ ద్వారా పోటీ పడబోతున్నారు. ఇద్దరూ టీమిండియా యువ ఆటగాళ్లు కావడం, ఈ సీజన్‌తోనే తొలిసారి వీరిద్దరూ కెప్టెన్లుగా ఎంపిక కావడం, అలాగే వారిపై ఉన్న అంచనాలను తగ్గట్లుగానే ఇద్దరూ తొలి మ్యాచ్‌లలో అద్భుతంగా రాణించడం ఈ మ్యాచ్‌పై అంచనాలు భారీగానే పెంచుతున్నాయి. పంజాబ్‌తో జరిగిన మ్యాచ్‌లో సంజూ సెంచరీతో అదరగొట్టగా.. చెన్నైతో మ్యాచ్‌లో పంత్ చక్కటి కెప్టెన్సీ స్కిల్స్ చూపించాడు. మరి ఈ మ్యాచ్‌లో ఎవరు విజేతగా నిలుస్తారో..? అదిరిపోయే ఆటతో అభిమానులను అలరిస్తారో వేచి చూడాలి.


మరింత సమాచారం తెలుసుకోండి: