అయితే టెస్ట్ క్రికెట్ లో గత కొన్ని సంవత్సరాలుగా రెగ్యులర్ ప్లేయర్ గా కొనసాగుతున్న వన్ డౌన్ బ్యాట్స్మన్ చతేస్వర్ పుజారా గురించి గత కొంత కాలంగా చర్చ జరుగుతోంది. పుజారా తన టెస్ట్ సెంచరీ సాధించి దాదాపుగా 3 సంవత్సరాలు అవుతోంది. చివరిగా ఆస్ట్రేలియాతో చేసిన సెంచరీనే ఆఖరిది. పైగా పెద్ద గొప్పగా కూడా ఆడిన దాఖలాలు లేవు. ఇటీవల జరిగిన టెస్ట్ లు అన్నింటి లోనూ వరుసగా విఫలం అవుతున్నాడు. అందుకే సెలక్టర్లు పుజారా విషయంలో ఆలోచిస్తున్నారు. ఇప్పుడు న్యూజిలాండ్ తో జరుగుతున్న టెస్ట్ లో చూసినా మొదటి టెస్ట్ లో దారుణంగా ఫెయిల్ అయినా, రెండవ టెస్ట్ లో అయినా సత్తా చాటుతాడు అనుకున్నారు.
కానీ ఈ రోజు ఉదయం బ్యాటింగ్ కు వచ్చిన పుజారా ఆశ్చర్యకరంగా స్పిన్నర్ అజాజ్ పటేల్ బౌలింగ్ లో డక్ అవుట్ గా వెను తిరిగాడు. ఈ ప్రదర్శనతో ఛతేశ్వర్ పుజారాకు గడ్డు కాలం అని చెప్పాలి. ఏదైనా అద్భుతం జరిగితే తప్పించి నెక్స్ట్ సిరీస్ లకు పుజారా టీం లో ఉండడు. ఇది పక్కా.
