ఇకపోతే ఇటీవలే ధోని ప్రతిభ గురించి ఆస్ట్రేలియ మాజీ కెప్టెన్ గ్రెగ్ ఛాపెల్ ఆసక్తికర వ్యాఖ్యలు చేశాడు. ప్రతి జట్టులో కూడా మహేంద్ర సింగ్ ధోనీ లాంటి సహజ సిద్ధమైన ప్రతిభ కలిగిన ఆటగాళ్లు ఉండాలి అంటూ చెప్పుకొచ్చాడు.. ప్రపంచ క్రికెట్లో సహజ వాతావరణంలో ఆట నేర్చుకునే ఆటగాళ్లు ఎక్కువ రోజుల వరకు నిలబడతారు. ధోనీ అలాంటి ఆటగాడే అంటూ చెప్పుకొచ్చారు. కానీ ప్రస్తుత రోజుల్లో మాత్రం ప్రపంచ క్రికెట్లో అలాంటి ఆటగాళ్ల తగ్గిపోతున్నారు. దీంతో అన్ని జట్లు కూడా ఇబ్బంది పడే పరిస్థితి వచ్చిందని చాపల్ తెలిపాడు.
అభివృద్ధి చెందిన క్రికెట్ దేశాలు అన్ని కూడా ఇలా సహజసిద్ధమైన ఆటగాళ్లను కోల్పోతున్నాయి.. బాగా ఆడే ఆటగాళ్ల ను చూస్తూ.. కుటుంబసభ్యులు క్రికెటర్లతో సరదాగా గడుపుతూ సహజ సిద్ధంగా ఆట నేర్చుకోవాలి అయితే భారత ఉపఖండంలో మాత్రం ఇంకా ఇలాంటి వాతావరణం కొనసాగుతోంది. ఎన్నో పట్టణాల్లో సౌకర్యాలు తక్కువగా ఉండటం వల్ల వీధుల్లో ఖాళీగా ఉండే పొలాల్లో ఎక్కువగా క్రికెట్ ఆడుతూ ఉంటారు ఇక అక్కడ వారికి కోచింగ్ ఇచ్చే వారు కూడా ఎవరూ ఉండరు. సహజసిద్ధంగానే ఆట నేర్చుకుంటారు. ఒకప్పుడు ధోని కూడా ఇలా సహజసిద్ధంగానే అన్నీ నేర్చుకున్నాడు. ధోని లో ఉండే ప్రతిభ అతని శైలి కోచ్ దగ్గర నేర్చుకున్నవి కాదు తనకు తాను నేర్చుకున్నవి అంటూ గ్రేగ్ చాపెల్ చెప్పుకొచ్చాడు. నాకు తెలిసిన అత్యంత చురుకైన బుర్రలలో ధోనిది కూడా ఒకటి అంటూ చెప్పుకొచ్చాడు ఆయన.