దీంతో అతని ఆటతీరు పై తీవ్రస్థాయిలో విమర్శలు వస్తున్నాయి అని చెప్పాలి. ముంబై ఇండియన్స్ ఇషాన్ కిషన్ కోసం 15 కోట్లకు పైగా ఖర్చు చేసి తప్పు చేసింది అంటూ ఎంతో మంది అభిప్రాయం కూడా వ్యక్తం చేస్తున్నారు. ఇలాంటి సమయంలో ఇటీవల తనకు మెగా వేలంలో భారీ ధర పలకడం గురించి ఇషాన్ కిషన్ మాట్లాడుతూ ఆసక్తికర వ్యాఖ్యలు చేశాడు. వేలంలో దక్కిన ధర గురించి ఆటగాడి పై రెండు రోజులు మాత్రమే ఒత్తిడి ఉంటుంది అంటూ చెప్పుకొచ్చాడు. కానీ జట్టు విజయాలకు సహకరించడం ఆటతీరు మెరుగుపరచుకోవడం పై దృష్టి పెట్టడం ఎంతో ముఖ్యం అంటూ తెలిపాడు ఇషాన్ కిషన్.
డ్రెస్సింగ్ రూమ్ లో అనుభవజ్ఞులైన ఆటగాళ్లు ఉండటం.. విరాట్ కోహ్లీ హార్దిక్ పాండ్యా ఆటగాళ్లతో మాట్లాడటం వల్ల మెగా వేలంలో ఎక్కువ ధర పలకడం విషయంలో ఒత్తిడి అధిగమించగలిగాను అంటూ చెప్పుకొచ్చాడు. ఈ క్రమంలోనే మెగా వేలంలో ధర గురించి కాకుండా నా జట్టు గెలవడానికి ఏ విధంగా సహాయ పడాలి అనే విషయంపైనే దృష్టి పెట్టాను. ఒకవేళ ధర విషయంలో ఒత్తిడి ఉన్నప్పుడు సీనియర్లతో మాట్లాడటం ఎంతగానో ఉపయోగపడుతుంది అని చెప్పుకొచ్చాడు. విరాట్ కోహ్లీ రోహిత్ శర్మ హార్దిక్ పాండ్యా కూడా.. ధర గురించి ఆలోచించాల్సిన అవసరం లేదు అంటూ నాతో చెప్పారు అటు గుర్తుచేసుకున్నాడు ఇషాన్ కిషన్.
