ఓ కీలకమైన మ్యాచ్కు ముందు RCB ప్లేయర్ విరాట్ కోహ్లి మైదానంలో ప్రాక్టీసు చేస్తుండగా.. రషీద్ ఖాన్ కూడా అక్కడే ఉండటం మనం గమనించవచ్చు. ఈ క్రమంలో కోహ్లి తన బ్యాట్ను ప్రత్యర్థి జట్టు స్పిన్నర్కు ఇచ్చాడు. ఇందుకు స్పందించిన రషీద్ ఖాన్ సోషల్ మీడియా వేదికగా ఈ RCB బ్యాటర్కు ధన్యవాదాలు తెలిపాడు. అంతేకాకుండా, తాము మైదానంలో కలుసుకున్న వీడియోను కూడా షేర్ చేసాడు. అంతేకాకుండా ‘‘నిన్ను కలవడం ఎల్లప్పుడూ సంతోషాన్నిస్తుంది కోహ్లి. గిఫ్ట్ ఇచ్చినందుకు చాలా థాంక్స్’’ అని తన అభిమానాన్ని చాటుకున్నాడు.
దాంతో ఈ పోస్ట్ సోషల్ మీడియాలో వైరల్ అవుతోంది. నెటిజన్లు వారి స్నేహాన్ని కామెంట్ల రూపంలో కొని యాడుతున్నారు. ఈ క్రమంలో దక్షిణాఫ్రికా క్రికెటర్ తబ్రేజ్ షంసీ.. ‘‘నా కోసం ఆ బ్యాట్ సేఫ్గా పెట్టు బ్రదర్.. తొందర్లోనే నీ నుంచి నేను లాక్కొంటా’’ అని సరదాగా కామెంట్ చేయడం మనం గమనించవచ్చు. ఇక ఈ సీజన్ లో కొత్త ఫ్రాంఛైజీ గుజరాత్కు ప్రాతినిథ్యం వహిస్తున్న అఫ్గన్ స్టార్ రషీద్ ఖాన్ 16 వికెట్లు తీసిన సంగతి తెలిసినదే. ముఖ్యంగా సన్రైజర్స్ హైదరాబాద్తో మ్యాచ్లో 11 బంతుల్లో 31 పరుగులతో రషీద్ రాణించిన తీరును అభిమానులు మర్చిపోలేరు.