ఈ క్రమంలోనే ఇక ఢిల్లీ క్యాపిటల్స్ లో జరిగిన మ్యాచ్లో ముంబై ఇండియన్స్ జట్టు విజయఢంకా మోగించింది ముంబై విజయంతో అటు ముంబై అభిమానుల కంటే బెంగళూరు జట్టు అభిమానులే ఆనందంతో ఎగిరి గంతేసారు అని చెప్పాలి. రోహిత్ శర్మ నీ రుణం ఎప్పటికీ తీర్చుకోలేము అంటూ డైలాగులు కూడా చెప్పేంతగా ఆర్సిబి అభిమానులు ఎమోషనల్ అయ్యారు ఇలా ముంబై గెలుపు బెంగళూరు జట్టును ప్లే ఆఫ్ లో నిలబెట్టింది ఇక్కడ మరో ఆసక్తికర విషయం ఏమిటంటే ఢిల్లీ జట్టుపై ముంబై ఇండియన్స్ గెలుపులో మాజీ ఆర్సిబి ఆటగాడు కీలకపాత్ర వహించాడు అన్నది తెలుస్తుంది.
ఒకవైపు ముంబై ఇండియన్స్ వరుసగా వికెట్లు కోల్పోయి కావాల్సిన రన్రేట్ పెరిగిపోతున్న సమయంలో జట్టు గెలవడం కష్టమని అని అందరూ అనుకున్నారు. ఆ సమయంలోనే క్రీజులోకి వచ్చిన టీమ్ డేవిడ్ ఏకంగా 11 బంతుల్లో నాలుగు సిక్సర్లు రెండు ఫోర్ల సహాయంతో 34 పరుగులు చేశాడు. దీంతో అటు కష్టాల్లో ఉన్న ముంబయిని గట్టెక్కించాడు. ఇతను గతంలో రాయల్ చాలెంజర్స్ బెంగళూరు జట్టు తరఫున ఆడాడు. ఇప్పుడు బెంగళూరు ప్లే ఆప్ కి వెళ్లడానికి తన వంతు సహాయం అందించాడు..
