మూడో వన్డే మ్యాచ్లో భాగంగా వర్షం పలుమార్లు అంతరాయం కలిగించినప్పటికీ అంపైర్లు మాత్రం మ్యాచ్ కొనసాగించడానికి ఆసక్తి చూపించారు. ఈ క్రమంలోనే 50 ఓవర్ల మ్యాచ్ కాస్తా 36 ఓవర్లకు కుదించారు. 36 ఓవర్లలో 3 వికెట్ల నష్టానికి 225 పరుగులు చేసింది భారత జట్టు. ఈ క్రమంలోనే డక్ వర్త్ లూయిస్ పద్ధతి లో వెస్టిండీస్ టార్గెట్ 257 పరుగులుగా నిర్దేశించగా.. కేవలం 137 పరుగులు మాత్రమే చేసి వెస్టిండీస్ ఆలవుట్ అయ్యింది. దీంతో భారీ తేడాతో విజయం సాధించింది ఇండియా. అయితే ఇక మూడో వన్డే లో భారత పేసర్ మహమ్మద్ సిరాజ్ శుభారంభం ఇచ్చాడు అన్న విషయం తెలిసిందే.
ఇన్నింగ్స్లో రెండో ఓవర్ వేసిన మహమ్మద్ సిరాజ్ మూడు బంతుల్లో 2 వికెట్లు పడగొట్టి వెస్టిండీస్ జట్టును దెబ్బతీశాడు. తొలి బంతికే ఓపెనర్ కెల్ మైర్స్ ను క్లీన్ బౌల్డ్ చేశాడు. దీంతో విండీస్ మహిళా ఫ్యాన్ ఒక్కసారిగా షాక్ అయింది. తలకు చేతులు పెట్టుకుని నోరు తెరిచింది. ఇక రెండో బంతికి డాట్ బాల్ కాగా మూడో బంతికి షేమర్ బ్రూక్స్ ని ఎల్బిడబ్ల్యు రూపంలో పెవిలియన్ పంపించాడు. ఇలా వరుసగా వికెట్లు తీయడం పై వెస్టిండీస్ అభిమానులు సంబంధించిన వీడియో ఇప్పుడు వైరల్ గా మారిపోయింది. ఈ వీడియోపై మీరు కూడా ఒక లుక్కేయండి.
