ఆ బాట్స్మన్ ఎవరో కాదు సూర్యకుమార్ యాదవ్.. ఎంతో అద్భుతమైన షాట్లు ఆడుతూ భారీ ఇన్నింగ్స్ తో ప్రేక్షకులను ఆశ్చర్య పరుస్తున్నాడు సూర్యకుమార్ యాదవ్. ఈ క్రమంలోనే అతనిపై ఎంతో మంది ప్రశంసలు కురిపిస్తూ ఉండడం గమనార్హం. కాగా ఇటీవల ఇదే విషయంపై ఆస్ట్రేలియా మాజీ కెప్టెన్ రికీ పాంటింగ్ కూడా స్పందిస్తూ ఆసక్తికర వ్యాఖ్యలు చేసాడు అని చెప్పాలి. భారత డాషింగ్ బ్యాట్స్మెన్ సూర్యకుమార్ యాదవ్ ఏబీ డివిలియర్స్ లాంటోడు అంటూ రికీ పాంటింగ్ ప్రశంసలు కురిపించారు. ఎబి డివిలియర్స్ లాగానే 360 డిగ్రీల షాట్లు ఆడతాడు అంటూ కితాబిచ్చాడు.
ఇటీవల కాలంలో అతను ఇన్నింగ్స్ చూస్తూ ఉంటే ఎబి డివిలియర్స్ ఆడినట్లు గానే ల్యాబ్ షాట్స్, లేట్ కట్స్, ర్యాంప్ షాట్లు ఆడుతున్నాడని ప్రశంసలు కురిపించాడు. ముఖ్యంగా సూర్య కుమార్ యాదవ్ బ్యాటింగ్ లో ఫ్లిక్ షాట్లు ఎంతో అద్భుతం అంటూ కొనియాడాడు. అయితే ఇప్పటికే టీమిండియాలో మూడవ స్థానంలో విరాట్ కోహ్లీ ఉన్న కారణంగా సూర్యకుమార్ యాదవ్ ను 4వ స్థానంలో దింపితే మంచిది అంటూ వ్యాఖ్యానించాడు రికీపాంటింగ్. గత కొంత కాలం నుంచి టీమిండియాలో నమ్మకమైన బ్యాట్స్మెన్గా మారిపోయిన సూర్యకుమార్ యాదవ్ మంచి ఇన్నింగ్స్ తో టీమిండియాకు మంచి విజయాలను అందిస్తున్నాడూ అన్న విషయం తెలిసిందే.
