ప్రస్తుతం భారత్ లో ఎన్నో రకాల మెసేజ్ యాప్స్ అందుబాటులో ఉన్నాయి. కానీ వాట్సాప్ మాత్రమే అందరిని ఎక్కువ ఆకర్షిస్తుంది అని చెప్పడంలో అతిశయోక్తి లేదు. ప్రస్తుతం ప్రతి ఒక్కరు కూడా వాట్సాప్ లోనే గంటల తరబడి గడుపుతున్నారు. సందేశం పంపించాలనుకుంటే వాట్సాప్ ద్వారా మెసేజ్ చేస్తున్నారు. ఇక ఎవరైనా కలవాలి అనుకుంటే వాట్సాప్ వీడియో కాల్ ద్వారా కలుస్తున్నారు. ఇలా మొత్తం ప్రతి ఒక్కరి జీవితంలో వాట్సప్ అనేది ఒక భాగంగా మారిపోయింది. అయితే తమ వినియోగదారులకు మరింత మెరుగైన సేవలు అందించేందుకు వాట్సాప్ కూడా ఎప్పటికప్పుడు సరికొత్త ఫీచర్లను అందుబాటులోకి తీసుకు వస్తూ ఉంటుంది అన్న విషయం తెలిసిందే.
ఎన్నో రకాల కొత్త ఫీచర్లను అందుబాటులోకి తీసుకువచ్చి వినియోగదారులను ఆశ్చర్యపరిచిన వాట్సాప్ ఇక ఇప్పుడు మరో కొత్త ఫీచర్ ను తెరమీదికి తెచ్చింది. మరికొన్ని రోజుల్లో అన్ డూ అనే స్టేటస్ ఫీచర్ ను అందుబాటులోకి తీసుకు రాబోతుంది వాట్సప్. అయితే ఇప్పటివరకు ఒకసారి స్టేటస్ అప్డేట్ చేసిన తర్వాత మళ్లీ ఎడిట్ చేసుకోవడానికి చాన్స్ ఉండదు. కానీ ఈ కొత్త ఫీచర్ ద్వారా స్టేటస్ అప్డేట్ చేసినప్పటికీ ఎడిట్ చేసుకునేందుకు అవకాశం ఉంటుంది. అంతే కాదు ఈ సరికొత్త ఫీచర్ ద్వారా డిలీట్ ప్రాసెస్ ఎక్కడి వరకు వచ్చింది అన్న విషయాన్ని కూడా స్పష్టంగా తెలుసుకునేందుకు అవకాశం ఉంటుంది.
