ఎందుకంటే మొసలి వేట ఎంతో చాకచక్యంగా ఉంటుంది. ఒక్కసారి టార్గెట్ చేసింది అంటే చాలు ఎంతో బలంగా నీటిలోకి లాగేసి ప్రాణాలు తీయగలదు. కానీ ఇక్కడ మాత్రం మొసలి ఏకంగా ఒక మహిళ వార్నింగ్ ఇస్తే భయపడిపోయింది. అందరికీ వణుకుపుట్టించే మొసలి కే వణుకు పుట్టించింది ఇక్కడ ఒక మహిళ. ఏకంగా చెప్పు చూపించి వార్నింగ్ ఇవ్వడంతో నీళ్లలో ఉన్న మొసలి పారిపోయింది. దీనికి సంబంధించిన వీడియో కాస్త ప్రస్తుతం సోషల్ మీడియాలోకి రావడంతో వైరల్ గా మారిపోయి ఎంతో మందిని ఆకర్షిస్తోంది. ఇంతకీ ఈ వీడియో లో ఏముంది అంటే.. ఓ మహిళ తన పెంపుడు కుక్క తో నది ఒడ్డున నిలబడి ఉంటుంది.
ఇక మహిళ ముందే మూడు నాలుగు మొసళ్లు అటూ ఇటూ తిరుగుతూ ఉంటాయి. అంతలో ఒక మొసలి కన్ను ఇక ఈ మహిళా పక్కనే ఉన్న కుక్క పై కూడా పడుతుంది. హమ్మయ్య వారం రోజులకు సరిపడా ఆహారం దొరికింది అంటూ ఎంతో ఆనంద పడిపోయింది ఆ మొసలి. ఈక్రమంలోనే వేట మొదలు పెట్టేందుకు నెమ్మదిగా వారి వైపు రావడం మొదలు పెట్టింది. అయితే అంత లో మొసలి రాకను గమనించిన మహిళ సమీపానికి రాగానే తన కాలికి ఉన్న చెప్పు తీసి కొడతా అన్నట్లుగా వార్నింగ్ ఇచ్చింది. దీంతో ఆ మహిళ ను చూసిన ఆ మొసలి ఒక్కసారిగా అక్కడి నుంచి పారిపోయింది. ఇక ఇది చూసిన నెటిజన్లు ఆశ్చర్యపోతున్నారు.
