ఘటన ఎలా జరిగింది..!
వధువు, వరుడి మధ్య నిశ్చయమైన వివాహం జనవరి 20న జరగాల్సి ఉంది. జనవరి 19న జరిగిన ఓ వివాహ వేడుకలో కాబోయే వధూవరుల మధ్య గొడవ జరిగింది.
పెళ్లికి ముందు జరిగిన వేడుకకు వధువు తన కుటుంబ సభ్యులతో కలిసి డ్యాన్స్ చేస్తూ కనిపించింది. ఇది వరుడికి నచ్చలేదు. అతను తన కుటుంబం మొత్తం ముందు ఆమె డ్యాన్స్ చేసినందుకు విసిగిపోయాడు. కోపోద్రిక్తుడైన వరుడు వధువుతో వాగ్వాదానికి దిగాడు. అది మరింత పెరిగి వరుడు ఆమెను చెంపదెబ్బ కొట్టాడు. వరుడి తీరుపై విసిగిపోయిన వధువు కూడా అతడిని తిరిగి చెప్పుతో కొట్టింది. దీంతో వధువు తండ్రి పెళ్లిని రద్దు చేశాడు. బంధువులతో చర్చించిన తర్వాత తండ్రి తన బంధువుతో గుర్తుపెట్టిన తేదీలో కుమార్తె వివాహం నిశ్చయించారు. ఈ ప్రతిపాదనను ఇరువర్గాలు అంగీకరించి జనవరి 20న పన్రుటి తిరువతిగై ఆలయంలో వివాహం చేసుకున్నారు. ఈ సంఘటన బట్టి చూస్తే ప్రస్తుత కాలంలో అమ్మాయిలు కూడా అబ్బాయి లతో సమానంగా ఆలోచిస్తూ నిర్ణయాలు తీసుకుంటున్నారని అర్థమవుతోంది. ఇది ఒక మంచి పరిణామంగా చెప్పవచ్చు.