కొన్ని పాత యాడ్స్ పాటలను ఓ బ్యాండ్ అద్భుతంగా ప్రదర్శించింది. రెస్టారెండ్ లో వీళ్ళు పాడిన పాటలతో అక్కడ ఉన్న ప్రజలను ఊర్రూతలూగించింది. వాషింగ్ పౌడర్ నిర్మా అంటూ ప్రారంభించిన మ్యూజిక్ బ్యాండ్ “పాన్ పరాగ్ పాన మసాలా”, “లైఫ్ బాయ్ హై జరాన్ తందోరుస్తి హై వహా” అంటూ సాగింది. మ్యాగీ, హమరా బజాజ్ ఇలా పాత యాడ్లను సింగర్లు అద్భుతంగా పాడారు . దీంతో డిన్నర్ కోసం రెస్టారెంట్ వచ్చిన వారంతా చప్పట్లు, కేరింతలతో హోరెత్తించారు .. వయసు మరిచి చిన్నపిల్లలా ఎంజాయ్ చేసారు . తమకెంతో ఇష్టమైన యాడ్ల పాటలను చాలారోజుల తర్వాత వినడంతో అందరు సింగర్ తో పాటు గొంతు కలిపారు.
అయితే వాళ్ళు ఆలా పాడుతుంటే అక్కడి వారు ఒకరు వీడియో తీసి నెట్ లో పెట్టారు.. దీంతో ఈ వీడియో కొన్ని నిమిషాలలోనే వైరల్ గా మారింది ... అంతేకాకుండా ఈ వీడియో కి నెటిజన్లు కామెంట్ల వర్షం కురిపిస్తున్నారు. పాత యాడ్లను గుర్తు చేసిన ఆ రెస్టారెంట్ బ్యాండ్ ను ప్రశంసిస్తున్నారు. ఎంత మందికి ఈ యాడ్లు గుర్తున్నాయంటూ కామెంట్లు కూడా చేస్తున్నారు.