ప్రతి వ్యక్తి జీవితంలో కొన్ని లక్ష్యాలను పెట్టుకుని విజయం సాధించాలని కలలు కంటాడు. ఎక్కువ మొత్తంలో డబ్బు సంపాదించాలని, అందరిలోను గుర్తింపు తెచ్చుకోవాలని ప్రయత్నాలు చేస్తాడు. కానీ కోరికలు ఉన్నంత మాత్రాన ... లక్ష్యాలను నిర్దేశించుకున్నంత మాత్రాన విజయం సొంతం కాదు. లక్ష్య సాధన కోసం నిరంతరం కృషి చేస్తే మాత్రమే సులభంగా విజయం సొంతమవుతుంది. అయితే లక్ష్యాలను సాధించి విజేతలుగా నిలిచే వారు మాత్రం చాలా తక్కువగా ఉంటారు.
నూరు మందిలో 10 నుంచి 20 మంది మాత్రమే లక్ష్యం కోసం నిరంతరం శ్రమించి ఆ లక్ష్యాలను సులభంగా సాధిస్తున్నారు. లక్ష్య సాధన కోసం చేయాల్సిన ముఖ్యమైన పనులను సకాలంలో చేస్తున్న వారు మాత్రమే విజయాన్ని సొంతం చేసుకోగలుగుతున్నారు. మనం ఎంపిక చేసుకున్న లక్ష్యాలను సులభంగా సాధించాలంటే ముఖ్యమైన పనులను ముందుగా చేయాలి.
మనం చేసే పనులను ఎంత వేగంగా చేస్తున్నాం అనే దాని కంటే ఎందుకు చేస్తున్నామో తెలుసుకోవడం చాలా ముఖ్యం. మన లక్ష్యానికి సంబంధించిన ముఖ్యమైన పనులను అనుకున్న సమయం కంటే ముందుగా పూర్తి చేస్తే మంచి ఫలితాలు వస్తాయి. లక్ష్యానికి సంబంధించిన ముఖ్యమైన పనులు ముందుగా చేస్తే విజయం సాధించడం సులభం అవుతుంది. ముఖ్యమైన పనులు చేయడం ద్వారా భవిష్యత్తులో మనకు కావాల్సిన ఫలితాలు సులభంగా అందుతాయి.
టాలెంట్, బాధ్యతలు, కోరికలు... ఈ మూడు విషయాలను గుర్తుంచుకుని ముఖ్యమైన పనులను నిర్ణయించుకోవాలి. ఇలా ముఖ్యమైన పనులు చేస్తూ లక్ష్యాలను సాధించడం వల్ల సమాజంలోని ముఖ్యులలో ఒకరిగా మీరు గుర్తింపు పొందే అవకాశం ఉంది. ముఖ్యమైన పనులను ఎంపిక చేసుకున్న తరువాత సమయం వృథా చేయకుండా ఆ పనులను పూర్తి చేయాలి. ఇలా చేసుకుంటూ పోతే ఎంపిక చేసుకున్న లక్ష్యాలను సులభంగా సాధించగలుగుతాం.
