జీవితంలో మనం ఏ పనిలోనైనా విజయం సాధించాలంటే ఆలోచనా తీరును మార్చుకోవాలి. మన జీవితంలో ఆలోచనలకు ఎంతో ప్రాముఖ్యత, ప్రాధాన్యత ఉంటుంది. మన ఆలోచనలే మనం జీవితంలో ముందుకు వెళ్లడానికైనా, వెనక్కు వెళ్లడానికైనా కారణమవుతాయి. మన ఆలోచనలకు సంబంధించిన మాటలు, చేతలే మనం ఎక్కువగా చేస్తూ ఉంటాము. అయితే మన ఆలోచనాతీరు పాజిటివ్ గా ఉంటే మాత్రమే మంచి ఫలితాలు కలుగుతాయి.
మన ఆలోచనాతీరు నెగిటివ్ గా ఉంటే వ్యతిరేక ఫలితాలే ఎక్కువగా వస్తాయి. నెగిటివ్ ఆలోచనల వల్ల ఇబ్బందులు ఎదురయ్యే అవకాశాలు ఎక్కువగా ఉంటాయి. ఆ ఆలోచనలు నిర్మాణాత్మక కృషికి ఉపయోగపడవు. మనం నెగిటివ్ థింకింగ్ ను వదిలేసి పాజిటివ్ గా ఆలోచిస్తే మంచి ఫలితాలు పొందే అవకాశం ఉంటుంది. పాజిటివ్ థింకింగ్ మనకు చాలా సందర్భాల్లో మేలు చేస్తుంది. మనం పాజిటివ్ గా ఆలోచిస్తే మనకు మనం బలవంతుడిలా భావిస్తాం.
మనం నెగిటివ్ గా ఆలోచిస్తే మాత్రం చిన్న చిన్న సమస్యలు కూడా పెద్దవైపోవడంతో పాటు ఇబ్బందులు పడాల్సి వస్తుంది. మనం ఏ విషయం గురించి ఎక్కువగా నెగిటివ్ గా ఆలోచిస్తామో ఆ విషయంలో పాజిటివ్ ఫలితాల కంటే నెగిటివ్ ఫలితాలే వచ్చే అవకాశాలు ఎక్కువగా ఉంటాయి. మనం ఏ పనిలోనైనా విజయం సాధించాలంటే మనపై మనకు పూర్తి విశ్వాసం ఉండాలి. నెగిటివ్ థింకింగ్ ఎప్పుడూ మనలోని ఎనర్జీని తగ్గిస్తుంది.
ఏదైనా నెగిటివ్ ఆలోచన రాగానే దాని గురించి ఆలోచించకుండా దాని స్థానంలో పాజిటివ్ థింకింగ్ ను ప్రవేశపెట్టాలి. చీకటిని పోగొట్టడానికి దీపాన్ని ఎలా వెలిగిస్తామో నెగిటివ్ ఆలోచనలతో పోరాటం చేయకుండా పాజిటివ్ ఆలోచనలనే దీపాలను ప్రవేశపెట్టాలి. పాజిటివ్ ఆలోచనల ద్వారా మనం చేపట్టిన పనులతో పాటు మనలో కూడా ఎంతో మార్పు వస్తుంది. నెగిటివ్ ఆలోచనలను జయించి పాజిటివ్ ఆటిట్యూడ్ ను అలవరచుకుంటే మన ఆలోచనలే విజయానికి పెట్టుబడులుగా మారతాయి.
