జీవితంలో ప్రతి ఒక్కరూ సక్సెస్ కోసం ప్రయాణం మొదలుపెడతారు. ఆ ప్రయాణంలో సమస్యలు, ఆటంకాలు వచ్చినా ఎవరైతే చివరి నిమిషం వరకు శ్రమిస్తారో వారికి మాత్రమే విజయం సొంతమవుతుంది. అలా కాకుండా భవిష్యత్తు గురించి ఎలాంటి ఆలోచనలు చేయకుండా చేసే పనుల వల్ల ఎలాంటి ప్రయోజనం ఉండదు. భవిష్యత్తును దృష్టిలో ఉంచుకుని శ్రమిస్తే ఏ పనిలోనైనా విజయం సొంతమవుతుంది.
ఈరోజు కష్టపడితే రేపటిరోజున ఎక్కువ కష్టం అవసరం లేకుండా కష్టానికి తగిన ప్రతిఫలం దక్కుతుంది. అలా కాకుండా కెరీర్ లో విలువైన సమయాన్ని వృథా చేసి భవిష్యత్తు విషయంలో నిర్లక్ష్యం వహిస్తే మాత్రం జీవితాంతం బాధ పడాల్సి ఉంటుంది. జీవితంలో చాలా సందర్భాల్లో ఊహించని పరిణామాలు చోటు చేసుకుంటూ ఉంటాయి. అందువల్ల భవిష్యత్తులో ఇబ్బందులు రాకుండా డబ్బును పొదుపు చేస్తూ జాగ్రత్త వహించాలి.
తమ భవిష్యత్తు, కుటుంబ భవిష్యత్తు గురించి ఎల్లప్పుడూ ఆలోచిస్తూ ప్రణాళికలు వేసుకోవాలి. భవిష్యత్తు గురించి ఆలోచనలు లేకుండా చేసే పనుల వల్ల తాత్కాలికంగా ప్రయోజనం చేకూరినా దీర్ఘకాలంలో ఆ పనుల వల్ల ఎలాంటి ప్రయోజనం ఉండదు. రేపటి రోజును దృష్టిలో ఉంచుకుని పనులను మొదలుపెడితే ఆ పనుల వల్ల దీర్ఘ కాలం ప్రయోజనాలు అందుతాయి. ఇలాంటి పనుల్లో సాధించే విజయం వల్ల మనతో పాటు మన కుటుంబం కూడా సంతోషంగా ఉంటుంది.
తల్లిదండ్రులు పిల్లలకు బాల్యం నుంచే నిర్ణయాలు తీసుకునే విషయంలో అవగాహన కల్పించాలి. ఏది మంచో ఏది చెడో వారికి తెలియజేయాలి. పిల్లలకు డబ్బు విలువ, పొదుపు ఇలాంటి విషయాలను తెలియజేయాలి. భవిష్యత్తు గురించి ఏ సమయంలో ఎలా ఆలోచించాలో నేర్పించడంతో పాటు మంచి ప్రవర్తన, మాటలు, సంస్కారం నేర్పించాలి. చిన్నతనం నుంచే పిల్లలకు ఈ విషయాలపై అవగాహన కల్పిస్తే వారికి భవిష్యత్తు విషయంలో తీసుకునే నిర్ణయాలపై అవగాహన ఏర్పడటంతో పాటు సులువుగా ఉన్నత స్థానాలకు చేరే అవకాశం ఉంటుంది.
