చికెన్ బాల్స్.. చికెన్ రెసిపీస్.. చికెన్ అంటే చాలు.. ఎలా అయినా సరే ఎలా చేసుకొని అయినా సరే చేసేస్తారు.. ఎందుకంటే.. చికెన్ ప్రేమికులు అంతమంది ఉంటారు మరి.. చికెన్ అంటే అంత ఇష్టం ఉంటుంది మరి. అయితే అలాంటి ఈ చికెన్ తో చికెన్ బాల్స్ ఎలా చెయ్యాలో ఇక్కడ చదివి తెలుసుకోండి.. చికెన్ బాల్స్ ను ఇంట్లోనే చేసుకొని తినండి.
కావలసిన పదార్థాలు...
బోన్‌లెస్‌ చికెన్ - 200 గ్రా.,
అల్లం ముక్కలు - 1 టీ స్పూను,
ఉల్లిపాయ ముక్కలు - 3 టీ స్పూన్లు,
మెంతి ఆకు - 1 టేబుల్‌ స్పూను,
తరిగిన పచ్చిమిర్చి - 1 టీ స్పూను,
తరిగిన కొత్తిమీర -2 టీ స్పూన్లు,
తరిగిన వెల్లులి- 1 టీ స్పూను,
నలగ్గొట్టిన లవంగాలు - రెండు,
కారం, గరమ్‌ మసాలా, ఉప్పు - రుచికి తగినంత.
తయారుచేసే విధానం...
చికెన్‌ను శుభ్రంగా కడిగి నీరులేకుండా మిక్సీలో వేసుకుని కైమాలా గ్రైండు చేసుకోవాలి. దాన్లో పైన చెప్పిన పదార్థాలన్నీ వేసుకుని బాగా కలపాలి. ఈ ముద్దను చిన్న చిన్న ఉండల్లా తయారుచేసి ఆవిరిపైన బాగా ఉడికించాలి. ఈ చికెన్ బాల్స్‌ని వేడివేడిగా సాస్‌తో తింటే చాలా రుచిగా ఉంటాయి.
