మెంతులు అనేవి రుచికి కొంచెం చేదుగానే ఉన్నా కానీ అనేక రకాల ఆరోగ్య ప్రయోజనాలు మాత్రం ఇందులో చాలా మెండుగా ఉన్నాయి. మెంతులను రెగ్యులర్‌గా తీసుకుంటే చాలా సమస్యలను నివారించవచ్చు.మెంతులు ప్రతి ఇంట్లో కూడా చాలా సులభంగా దొరుకుతాయి. ఈ మెంతి గింజలను అనేక రకాలుగా ఉపయోగిస్తారు. మెంతులు, మెంతికూరలో ఫైబర్, ప్రొటీన్, కొవ్వు, ఐరన్, మాంగనీస్, మెగ్నీషియం పుష్కలంగా ఉన్నాయి. అదే సమయంలో కడుపు సంబంధిత సమస్యలు, కీళ్ల నొప్పులను కూడా దూరం చేస్తాయి. అంతేకాకుండా మధుమేహం, అధిక రక్తపోటు వంటి వ్యాధుల చికిత్సలో కూడా మెంతి గింజలను ఉపయోగిస్తారు. కానీ ఏది ఎక్కువగా తీసుకున్నా.. అది ప్రమాదం అన్న విషయం మెంతి గింజలకు కూడా వర్తిస్తుంది. అటువంటి పరిస్థితిలో మెంతి గింజలను తీసుకోవడం వల్ల కలిగే నష్టాలు ఇంకా అలాగే ఎలాంటి వ్యక్తులు మెంతులకు దూరంగా ఉండాలి.. అనే విషయాలను ఇప్పుడు తెలుసుకుందాం..


అధిక రక్తపోటు ఉన్నవారు మెంతి గింజలను తినకూడదు. ఒకవేళ మెంతులు తింటే రక్తపోటు పెరుగుతుందని హెచ్చరిస్తున్నారు. కావున bp అధికంగా ఉన్న రోగులు మెంతి గింజలను దూరంగా ఉండటం మంచిదని నిపుణులు సూచిస్తున్నారు.మెంతి గింజలు శరీరానికి మేలు చేస్తాయి. కానీ శ్వాసకోశ వ్యాధులకు మందులు తీసుకుంటుంటే అలాంటివారు మెంతులు తీసుకోవడం మానుకోవాలి. ఇది ఔషధాల ప్రభావాన్ని తగ్గిస్తుంది కావున జాగ్రత్తగా ఉండాలని నిపుణులు సూచిస్తున్నారు.గర్భిణులలో రక్తం గడ్డకట్టడం నెమ్మదిగా జరుగుతుంది. అందువల్ల వారు మెంతి గింజలను తీసుకోకుండా ఉండాలి. మరోవైపు, గర్భిణీ స్త్రీలు మెంతి గింజలను తీసుకుంటే వారికి జీర్ణక్రియకు సంబంధించిన సమస్యలు కూడా ఉండవచ్చు. కావున గర్భిణీ స్త్రీలు మెంతి గింజలను తినకూడదు.కాబట్టి ఖచ్చితంగా ఈ మెంతులు తీసుకునేటప్పుడు జాగ్రత్తగా ఉండండి. అన్ని పూర్తిగా తెలుసుకొని ఇవి వాడటం ఆరోగ్యానికి మంచిది. కాబట్టి తగిన జాగ్రత్తలు పాటించి సంపూర్ణ ఆరోగ్యంగా జీవించండి.

మరింత సమాచారం తెలుసుకోండి:

health

Purushottham Vinay

27/09/2022 06:11 PM