బడా నిర్మాత దిల్ రాజు ఈ సినిమా చేయబోతున్నారు. ఈ సినిమాకు సంబంధించిన లేటెస్ట్ న్యూస్ రెబల్ స్టార్ ఫ్యాన్స్ ని ఎగ్జైట్ అయ్యేలా చేస్తుంది. ప్రశాంత్ నీల్ తో ప్రభాస్ చేసే సినిమా మైథలాజికల్ సినిమాగా ప్లాన్ చేస్తున్నారట. ఈ జనరేషన్లో మైథలాజికల్ సినిమాలను ఎన్.టి.ఆర్ టచ్ చేశాడు. ఆయన మాత్రమే ఇలాంటి సినిమాలు చేయగలడు అని చెప్పుకుంటున్నారు. అయితే ప్రశాంత్ నీల్ ఈసారి ప్రభాస్ తో అలాంటి ప్రయోగం చేస్తున్నారట.
ప్రభాస్ కూడా ఈ ప్రాజెక్ట్ కోసం చాలా ఉత్సాహంగా ఉన్నాడని టాక్. స్లార్, ప్రాజెక్ట్ కె, స్పిరిట్ ఇలా కమిట్ అయిన సినిమాలన్నీ త్వరగా పూర్తి చేసి ప్రశాంత్ తో మైథలాజికల్ సినిమా మొదలు పెట్టాలని చూస్తున్నారట. చూస్తుంటే ప్రభాస్ తో దిల్ రాజు పెద్ద ప్లాన్ వేసినట్టు తెలుస్తుంది. సలార్ 1, 2 తర్వాత ప్రశాంత్ నీల్ తారక్ తో సినిమా చేస్తున్నడు. అది పూర్తయ్యాక మళ్లీ ప్రభాస్ తోనే ఈ సినిమా చేస్తారట. ప్రభాస్ మైథలాజికల్ మూవీ అనగానే ఫ్యాన్స్ లో ఉత్సాహం రెట్టింపు అయ్యింది. తప్పకుండా ఈ సినిమా ప్రభాస్ కెరీర్ లో మరో బాహుబలి అవుతుందని చెప్పడంలో ఎలాంటి సందేహం లేదు.
