నిజానికి కరోనా నివారణ కోసం చేపట్టిన వ్యాక్సినేషన్ కార్యక్రమం దేశవ్యాప్తంగా జోరుగా జరుగుతోంది. కరోనా టీకాను ఇవ్వడంలో దేశంలోని మెజారిటీ జనాభాను కవర్ చేశారు. అంతేకాకుండా కరోనా సెకండ్ వేవ్ తీవ్రత కూడా చాలా వరకు తగ్గింది. కొత్త కేసుల నమోదు సంఖ్య కూడా రోజురోజుకు తగ్గుముఖం పడుతోంది. ఈ పరిణామాలన్నింటిని పరిగణనలోకి తీసుకున్న ఐటీ కంపెనీలు.. ఇక తమ కార్యకలాపాలను ఆఫీసుల నుంచి చేసుకోవాలని నిర్ణయించుకున్నాయి. ఇందులో భాగంగానే ఉద్యోగులతో వర్క్ ఫ్రమ్ హోమ్కు ముగింపు పలికించి.. ఆఫీసుల నుంచి వారితో పనిని షురూ చేయించేందుకు ఏర్పాట్లు చేసుకుంటున్నాయి.
అయితే కరోనా కారణంగా ఐటీ కంపెనీల ఆఫీసులు క్లోజ్ కావడంతో.. ఉద్యోగులు అంతా ఇళ్ల నుంచే వర్క్ చేస్తున్నారు. వారిలో అందరినీ కాకున్నా.. కనీసం ౩౦ నుంచి 50 శాతం మందితో ఆఫీసుల నుంచి తమ కార్యకలాపాలను పునఃప్రారంభించాలని ఐటీ కంపెనీల యాజమాన్యాలు భావిస్తున్నాయి. మరోవైపు తెలంగాణ ప్రభుత్వం కూడా ఐటీ పరిశ్రమ ముఖ్యులతో చర్చలు జరిపింది. ఏవైనా ఇబ్బందులు ఎదురైతే ప్రభుత్వం అండగా నిలుస్తుందన్న భరోసా ఇచ్చింది. ఇక ఐటీ పరిశ్రమపై ఆధారపడిన ఎంంతోమంది.. ఆ కంపెనీల కార్యాలయాల్లో పనులు తిరిగి ప్రారంభం అయితే.. తమకు కూడా ఉపాధి దొరుకుతుందని ఆశిస్తున్నారు. మొత్తంమీద, ఐటీ కంపెనీల కార్యాలయాలు తిరిగి ఉద్యోగులతో కళకళలాడనున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి