కానీ మరికొంతమంది మాత్రం ఆడపిల్లలను ఏడిపిస్తున్న ఆకతాయిల పట్ల అపరకాళిగా మారిపోతున్నారు. ఇక తమ ఆత్మరక్షణ కోసం ఎంతో మంది మహిళలు తిరగబడుతున్న ఘటనలు వెలుగులోకి వస్తున్నాయి. ఇక్కడ ఓ యువతి ఇలాంటిదే చేసింది. తనను ఏడిపించాలని భావించిన ఆకతాయి కి చుక్కలు చూపించింది. ఇంకోసారి మరో ఆడ పిల్ల జోలికి వెళ్లకూడదు అనే రేంజిలో పనిష్మెంట్ ఇచ్చింది ఇక్కడ ఒక యువతి. ఈ ఘటన అస్సాం లో వెలుగులోకి వచ్చింది. వక్షోజాలను అసభ్యంగా తాకిన ఆకతాయికి మూడు చెరువుల నీళ్లు తాగించింది ఆ యువతి. గౌహతి కి చెందిన భావన కశ్యప్ అనే యువతి వీధిలో నుంచి నడుచుకుంటూ వెళుతోంది.
ఈ క్రమంలోనే అటువైపుగా స్కూటీపై ఒక యువకుడు వచ్చాడు. ఇక ఆ యువతి దగ్గర ఆపి ఒక అడ్రస్ అడిగాడు. అడ్రస్ తనకు తెలియదు అంటూ యువతి చెప్పింది. ఈ క్రమంలోనే వెళ్తూవెళ్తూ ఆమె వక్షోజాలు పట్టుకున్నాడు ఆ యువకుడు. దీంతో ఒక్కసారిగా షాక్ అయింది ఆ యువతి. ఇక అపరకాళిగా విజృంభించింది. ఏకంగా స్కూటర్ సహా ఆ యువకుడిని పక్కనే ఉన్న డ్రైనేజ్ లోకి నెట్టింది. దీంతో ఆ డ్రైనేజీలో అతని స్కూటీ ఇరుక్కు పోయింది అది తీయడానికి ముప్పు తిప్పలు పడ్డాడు. అంతలో గట్టిగా కేకలు వేస్తూ చుట్టుపక్కల వాళ్ళని పిలిచింది. చుట్టుపక్కల వాళ్ళు ఆ యువకుడుకి దేహశుద్ధి చేశారు. ఈ వీడియోని అంతా సోషల్ మీడియాలో పోస్ట్ చేయడంతో ఇది కాస్త వైరల్ మారిపోయింది.