రక్తం పంచుకుని పుట్టిన వారిని కూడా నడిరోడ్డుమీద వదిలేసిన ఘటనలు సభ్యసమాజాన్ని తలదించుకునేలా చేసాయ్. కరోనా వైరస్ బారిన పడ్డారు అన్న కారణంతో ఎంతోమంది ఇక ప్రియమైన వారి మృతదేహాలను కూడా ముట్టుకోవడానికి ముందుకు రాకపోవడం మనిషి ఆలోచన తీరు ఎంత దారుణంగా మారిపోయింది అన్న దానికి నిదర్శనం గా మారిపోయాయి. బ్రతికి ఉన్నప్పుడే కాదు చనిపోయిన తర్వాత కూడా కాస్త జాలి దయ చూపించడం లేదు ఎవరు. ఇక్కడ ఇలాంటి తరహా ఘటన వెలుగులోకి వచ్చింది. గుర్తు తెలియని మహిళ మృతదేహాన్ని వీధికుక్కలు దారుణంగా పిక్కు తిన్న ఘటన ఆలస్యంగా వెలుగులోకి వచ్చింది.
ఉత్తర ప్రదేశ్ లో ఈ ఘటన చోటు చేసుకుంది. పార్తా పూర్ సమీపంలో చెరువు ఒడ్డున గోనెసంచిలో కట్టి ఉన్న ఓ మహిళ మృతదేహం ప్రత్యక్షమైంది. ఇక ఎవరో గుర్తు తెలియని వ్యక్తులు ఆ మృతదేహాన్ని అక్కడే వదిలేసి వెళ్ళినట్లు తెలుస్తుంది. అయితే అక్కడ వుండే వీధి కుక్కలు ఆ మృతదేహాన్ని పీక్కు తింటూ ఉండగా స్థానికులు గుర్తించారు. దీంతో ఒక్కసారిగా షాకై పోలీసులకు సమాచారం అందించారు. అక్కడికి చేరుకున్న పోలీసులు మృతదేహాన్ని స్వాధీనం చేసుకుని కేసు నమోదు చేసుకుని దర్యాప్తు చేస్తున్నారు. ఇక ఈ మృతదేహం ఇంట్లో వాళ్లే వదిలేసి వెళ్లారా లేక ఎవరైనా హత్య చేసి ఉంటారా అనే కోణాల్లో దర్యాప్తు చేస్తున్నారు పోలీసులు.
