మధుమేహం అదుపులో పెట్టుకోవాలంటే ఈ జాగ్రత్తలు పాటించండి?

మధుమేహం ఎంత భయంకరమైన వ్యాధి అనేది ప్రత్యేకంగా చెప్పనవసరం లేదు. మధుమేహం లక్షణాలు కనిపించిన వెంటనే తగిన జాగ్రత్తలు తీసుకుంటే ఖచ్చితంగా మధుమేహం అదుపులో ఉంటుంది. దీని కోసం ఖరీదైన మందులు తీసుకోవలసిన అవసరం లేదు. రోజువారీ జీవనశైలి, ఆహారంలో కొన్ని మార్పులు చేసుకోవడం ద్వారా మధుమేహాన్ని అదుపులో ఉంచుకోవచ్చు. మీరు తినే ఆహారాలలో మార్పులు చేయడం ద్వారా, మీరు మీ రక్తంలో చక్కెర స్థాయిలను తగ్గించవచ్చు. ఉదయం పూట కాస్త వ్యాయామం చేయడం వల్ల శరీరంలో షుగర్ లెవల్స్ అదుపులో ఉండవచ్చని నిపుణులు చెబుతున్నారు. మధుమేహం నియంత్రణలో ఉండాలంటే ఎలాంటి జాగ్రత్తలు తీసుకోవాలో ఇప్పుడు మనం తెలుసుకుందాం.ప్రాణాయామం ప్రాణాయామం, శ్వాస వ్యాయామాలు ప్రతిరోజూ ఉదయం 10 నుండి 15 నిమిషాల పాటు మధుమేహాన్ని అదుపులో ఉంచుతాయి.సైక్లింగ్ సైక్లింగ్ వ్యాయామం కోసం అనేక ప్రయోజనాలను కలిగి ఉంది. 


ఉదయం పూట కనీసం 20 నిమిషాల పాటు సైకిల్ తొక్కడం వల్ల షుగర్ లెవల్స్ అదుపులో ఉంటాయి. ఇది అనేక ఇతర వ్యాధులను కూడా నయం చేస్తుంది.ఏరోబిక్స్ మధుమేహ వ్యాధిగ్రస్తులకు మార్నింగ్ ఏరోబిక్స్ మంచిది. ఏరోబిక్ డ్యాన్స్ ప్రతిరోజూ ఉదయం కనీసం 30 నిమిషాలు, వారానికి కనీసం ఐదు రోజులు సిఫార్సు చేయబడింది. ఇలా చేయడం వల్ల మధుమేహం ఉన్న వ్యక్తిలో సానుకూల మార్పు వస్తుంది.మార్నింగ్‌ వాక్‌తో అనేక ఆరోగ్య ప్రయోజనాలు ఉన్నాయి. మధుమేహ వ్యాధిగ్రస్తులు ఉదయాన్నే వాకింగ్ చేయడం వల్ల శరీరంలో చక్కెర శాతం అదుపులో ఉంటుంది. నడక రక్తంలో చక్కెరను నియంత్రించడమే కాకుండా మధుమేహంతో కలిగే ఇతర సమస్యలను కూడా నివారిస్తుంది. ఇప్పటికే మధుమేహం ఉన్నవారు ఉదయాన్నే వాకింగ్ చేయడం వల్ల వ్యాధి ముదిరిపోకుండా నివారించవచ్చు. ఉదయం పూట కనీసం 20 నిమిషాల పాటు వాకింగ్ చేస్తే కచ్చితంగా మేలు జరుగుతుందని నిపుణులు సూచిస్తున్నారు.

మరింత సమాచారం తెలుసుకోండి:

HEALTH

Purushottham Vinay

12/10/2022 07:55 PM