పిప్పి పన్ను వల్ల కలిగే బాధ అసలు అంతా ఇంతా కాదు.పిప్పి పన్ను వల్ల మనకు విపరీతమైన నొప్పి కలుగుతుంది. పిప్పి పన్ను వల్ల దవడ నొప్పి ఇంకా తలనొప్పి కూడా వస్తుంది. అలాగే జంక్ ఫుడ్ ను ఎక్కువగా తినడం, ఐస్ క్రీమ్స్, చాక్లెట్స్, శీతల పానీయాలను తీసుకోవడం, ఫైబర్ తక్కువగా ఉండే పదార్థాలను తీసుకోవడం, దంతాలను సరిగ్గా శుభ్రం చేసుకోకపోవడం వల్ల మనకు ఈ సమస్య ఎక్కువగా తలెత్తుతుంది.మనం తీసుకునే ఆహారంలో ఉండే కణాలు దంతాల మధ్య బాగా పేరుకుపోతాయి. దంతాలను సరిగ్గా శుభ్రం చేసుకోకపోవడం వల్ల అక్కడ స్ట్రెప్టోకోకస్ మ్యూటాన్స్ అనే బ్యాక్టీరియా బాగా వృద్ది చెందుతుంది. ఇక ఈ బ్యాక్టీరియానే దంతాలు పుచ్చిపోవడానికి ప్రధాన కారణం అవుతాయి. కాబట్టి మనం దంతాలను ఎల్లప్పుడూ శుభ్రంగా ఉండేలా చూసుకోవాలి.మన దంతాలపై ఎనామిల్ దెబ్బతినకుండా చూసుకోవాలి. పిప్పి పన్ను వంటి దంత సమస్యలు మన దరి చేరకుండా ఉండాలంటే మనం ఖచ్చితంగా కొన్ని జాగ్రత్తలు తీసుకోవడం చాలా అవసరం.


పిప్పి పన్ను సమస్య రాకుండా ఉండాలంటే మనం షుగర్ ఫ్రీ చూయింగ్ గమ్ లను ఖచ్చితంగా నమలాలి. ఎందుకంటే దీని వల్ల స్ట్రెప్టోకోకస్ మ్యూటాన్స్ అనే బ్యక్టీరియా వృద్ది చెందకుండా ఉంటుంది. అలాగే దంతాల ఎనామిల్ పాడవకుండా ఉంటుంది. ఇంకా అలాగే దంతాలు ధృడంగా ఉండాలంటే క్యాల్షియం, విటమిన్ డి ఇంకా ఫాస్పరస్ వంటి పోషకాలు శరీరానికి అందేలా చూసుకోవాలి.ఇంకా అలాగే ఫ్లోరైడ్ ఉండే టూత్ పేస్ట్ లను ఉపయోగించాలి. వీటిని వాడడం వల్ల సూక్ష్మ క్రిముల నుండి  మన దంతాలకు హాని కలగకుండా ఉంటుంది. ఇంకా అలాగే అప్పుడప్పుడూ నీటిలో ఉప్పు వేసి కలపాలి. ఈ నీటిని మనం నోట్లో పోసుకుని పుక్కిలించాలి. ఇలా చేయడం వల్ల నోట్లో ఉండే క్రిములు త్వరగా నశిస్తాయి.అలాగే దంతాలు పుచ్చిపోకుండా ఉంటాయి. ఇంకా అలాగే మనం తీసుకునే ఆహారంలో ఫైబర్ ఎక్కువగా ఉండేలా చూసుకోవాలి.చెరుకు గడ్డలు ఇంకా నారింజ వంటి పండ్లను బాగా నమలాలి. ఇలా చేయడం వల్ల దంతాలపై పేరుకుపోయిన క్రిములు ఇంకా పాచి తొలగిపోతాయి.ఇంకా అలాగే తీపి పదార్థాలను తీసుకోవడం వీలైనంత వరకు తగ్గించాలి. ఈ విధంగా ఈ టిప్స్ పాటించడం వల్ల పిప్పి పన్ను సమస్య మన దరి చేరకుండా ఉంటుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Teeth Health

Purushottham Vinay

08/12/2023 04:22 PM