మధుమేహాన్ని ఈజీగా నియంత్రించే ఫుడ్స్ ఇవే ?


మనం వంటల్లో వాడే పసుపులో యాంటీ ఇన్‌ఫ్లమేటరీ, యాంటీఆక్సిడెంట్ ప్రభావాలకు ప్రసిద్ది చెందిన కర్కుమిన్ ఉంటుంది. రక్తంలో చక్కెర స్థాయిలను తగ్గించడానికి, ఇన్సులిన్ సున్నితత్వాన్ని మెరుగుపరచడానికి కర్కుమిన్ సహాయపడుతుందని నిపుణుల పరిశోధనలు సూచిస్తున్నాయి.అందుకే ఉదయాన్నే గోరువెచ్చని నీరు లేదా పాలలో చిటికెడు పసుపును కలిపి తాగడం అనేది ఒక సరళమైన, ప్రభావవంతమైన అలవాటు.ఉసిరి కాయలో విటమిన్ సి పుష్కలంగా ఉంటుంది. యాంటీఆక్సిడెంట్, యాంటీ ఇన్‌ఫ్లమేటరీ లక్షణాలకు ప్రసిద్ది చెందింది. ఉసిరికాయను క్రమం తప్పకుండా తీసుకోవడం వల్ల రక్తంలో చక్కెర స్థాయిలను నియంత్రించవచ్చు.అందువల్ల డయాబెటిస్ అదుపులో ఉంటుంది. ఉసిరికాయ రసం లేదా తాజా ఉసిరిని ఉదయం దినచర్యలో చేర్చడం డయాబెటిస్ నివారణకు మంచిది. షుగర్ సమస్య ఉన్నవారికి ఆకలి ఎక్కువ అవుతుంది. అతి ఆకలి కూడా ఆరోగ్యానికి అంత మంచిది కాదు.ఆకలిని తగ్గించడంలో మెంతులు సహాయపడతాయి. బరువు తగ్గించుకోవాల్సిన అవసరం ఉన్న వారికి ప్రయోజనకరంగా ఉంటుంది. 


కొన్ని అధ్యయనాలు మెంతులు మొత్తం కొలెస్ట్రాల్, ట్రైగ్లిజరైడ్ స్థాయిలను తగ్గించడంలో సహాయపడతాయని సూచిస్తున్నాయి. ఇది మొత్తం హృదయ ఆరోగ్యానికి ముఖ్యమైనది. ముఖ్యంగా గుండె సమస్యలకు ఎక్కువ ప్రమాదం ఉన్న వారికి తప్పనిసరి.మెంతులు యాంటీ డయాబెటిక్ లక్షణాలకు ప్రసిద్ది చెందాయి. ఈ విత్తనాలలో కరిగే ఫైబర్ ఉంటుంది. ఇది రక్తంలో చక్కెర స్థాయిలను నియంత్రించడంలో సహాయపడుతుంది. నానబెట్టిన మెంతులను తినడం లేదా ఉదయం భోజనంలో చేర్చడం వల్ల మెరుగైన గ్లైసెమిక్ నియంత్రణకు దోహదం చేస్తుంది.కాకరకాయలో పాలీపెప్టైడ్-పి ఉంటుంది. ఇది ఇన్సులిన్ సున్నితత్వాన్ని మెరుగుపరచడంలో ఎంతగానో సహాయపడుతుంది. దీనిలో ఉండే విసిన్ ఇంకా లెక్టిన్ ప్యాంక్రియాస్ నుండి ఇన్సులిన్ స్రావాన్ని ప్రేరేపిస్తాయి.కార్బోహైడ్రేట్ల జీర్ణక్రియలో పాల్గొనే ఎంజైమ్ ఆల్ఫా-గ్లూకోసిడేస్  కార్యాచరణను నిరోధించడానికి కాకరకాయ సహాయపడుతుంది. ఇది గ్లూకోజ్ ని నెమ్మదిగా శోషించడంలో సహాయపడుతుంది. అందువల్ల రక్తంలో గ్లూకోజ్ నియంత్రణకు దారితీస్తుంది.మధుమేహాన్ని ఈజీగా నియంత్రించే ఫుడ్స్ ఇవే..
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Health Tips

Purushottham Vinay

05/03/2024 01:10 PM