దుంపలు ఆరోగ్యానికి చాలా మంచివి అన్న సంగతి తెలిసిందే.. భూమి నుంచి సహజ సిద్దంగా వచ్చే వీటిలో ఎన్నో పోషకాలు దాగివున్నాయి. శరీరానికి కావలసిన పోషకాలు అందుతాయి. అందుకే కొన్ని రాష్ట్రాల్లో కేవలం దుంపలు మాత్రమే తిని బ్రతుకుతారట.. అయితే చిలకడ దుంప లో ఆరోగ్య విలువలు ఉన్నాయని నిపుణులు అంటున్నారు. ఈ దుంపలు ఆరోగ్యానికి మాత్రమే కాదు.. అందానికి కూడా ఎక్కువ గా వాడుతుంటారు. వీటిని ఫేస్ క్రీమ్ లలోనూ, ఫేస్ ప్యాక్ లలో కూడా వాడతారు. వీటిలో ఉండే గుణాలు చర్మాన్ని మృదువుగా, కాంతివంతంగా తయారు చేస్తుంది.. తియ్యగా ఉండటం వల్ల వీటిని తినడానికి చిన్న పిల్లలు కూడా ఎక్కువ ఇష్టపడతారు. ఇంక ఆలస్యం ఎందుకు ఆ ప్రయోజనాలు ఎంటో ఇప్పుడు తెలుసుకుందాం..


సాధారణంగా చిలగడదుంప తినేవారు, దాన్ని ఉడకబెట్టిగానీ లేదా కాల్చిగానీ తింటుంటారు. ఇలా ఉడకబెట్టడం/ కాల్చడం చేశాక తినేటప్పుడు దానిపైన పింక్‌ రంగులో కనిపించే పొట్టును ఒలిచి తింటుంటారు. కానీ చిలగడదుంప పైన ఉండే పొట్టులో కెరటినాయిడ్స్‌ అనే పోషకాలు ఉంటాయి. ఇవి నోరు, ఫ్యారింగ్స్, ఊపిరితిత్తుల క్యాన్సర్‌ను నివారించడానికి బాగా తోడ్పడతాయి.. 


అంతేకాదడోయ్.. వీటి తో పాటుగా బీటా కెరోటిన్‌ అనే మరో పోషకం ఈసో ఫేగల్‌ క్యాన్సర్‌ ను నివారిస్తుంది. ఆహారం జీర్ణం కావడానికి తోడ్పడే జీర్ణవ్యవస్థ కు సంబంధించిన అన్ని రకాల క్యాన్సర్లను నివారించడానికి తోడ్పడుతుంది. ఇన్ని రకాల ప్రయోజనాలు ఉన్నందున ఈ పింక్‌ రంగు లో ఉండే పొట్టును ఒలిచి పారేయకుండా తినేయండి... కేవలం చిలకడ దుంపలు మాత్రమే కాదు.. కొందరు యాపిల్ , సపోటా లను కూడా తొక్క వలచి తింటారు. ఏదైనా తొక్క లోనే ఎక్కువ పోషకాలు దాగివున్నాయి. చూసారుగా తొక్క పై ఉన్న మురికిని తీసి తినాలి కానీ తొక్కలను తీసేస్తే ఇక గుజ్జును తిన్నా ఒక్కటే, లేకున్నా ఒక్కటే..