ఒంటిరితనానికి ప్రాధాన్యత ఇస్తూ బయట వ్యక్తుల తోనే కాక ఫ్యామిలీ మెంబర్స్, ఫ్రెండ్స్తోనూ కలవకుండా, కనీసం మాట్లాడడానికి కూడా ఇష్టపడరు. అలాగే డిప్రెషన్ లో ఉన్నవారు ఎప్పుడో జరిగిపోయిన విషయాలను గుర్తు చేసుకుంటూ తరచూ బాధపడటమే కాకుండా అనవసరమైన విషయాల్లో తెగ కంగారు పడుతూ, ఇష్టమైన వ్యక్తులు, ప్రదేశాలు, ఆహారాలు మొదలగు వాటిపై ఆసక్తిని చూపెట్టరు. అంతేకాదు ఆందోళన, తొందర పాటు, విసుగు, దూకుడు, గుండెల్లో దడ, అసమర్థత, అలాగే ఉన్నట్టు ఉండి బరువు తగ్గడం, కోపం తెచ్చుకోవడం వంటివి కూడా డిప్రెషన్ లక్షణాలు. ఇంకా డిప్రెషన్ ఉన్న వారు అస్సలు పడుకోలేకపోవడం లేదా ఎప్పుడూ నిద్ర పోతూనే ఉంటారు.
అంతేకాదు అసలు పనిపైన అంతగా ఆసక్తి చూపరు. అలాగే ప్రతి విషయాన్ని కూడా మరచిపోతుంటారు. ఇంకా చెప్పాలి అంటే డిప్రెషన్లో ఉన్న వారికి అసలు ఆకలి ఉండదు. ఒకవేళ వారికి ఆకలి ఉన్నా కూడా వేళకు భోజనం తీసుకోరు. దీని వలన అనేక అనారోగ్య సమస్యలు కూడా వస్తుంటాయి. కాబట్టి, పైన చెప్పిబడిన లక్షణాలు కనుక ఉన్నట్లు అనిపిస్తే ఏ మాత్రం ఆలస్యం చేయకుండా వెంటనే మంచి మానసిక వైద్యుడిని సంప్రదించి కౌన్సిలింగ్ తీసుకున్నట్లయితే మంచిది. అలాగా చేయలేదంటే డిప్రెషన్లో కూరుకుపోవడంతో పాటు ఒక్కోసారి ప్రాణాలను తీసుకునే స్టేజ్ వరకు వెళ్లే ప్రమాదం లేకపోలేదు.