ఈ రోజుల్లో చెడు ఆహారపు అలవాట్లనేవి గుండెపై ఎక్కువగా ప్రభావం చూపుతున్నాయి. గుండె జబ్బులు వచ్చే ప్రమాదం బాగా పెరుగుతుంది. చెడు ఆహారం తింటే చెడు కొలెస్ట్రాల్ పెరుగుతుంది. ఇది చాలా రకాల గుండె సమస్యలకు కారణమవుతుంది. కొలెస్ట్రాల్ స్థాయి పెరగడం  ఖచ్చితంగా రక్త ప్రసరణను ప్రభావితం చేస్తుంది.పైగా ఇది గుండెపోటు, స్ట్రోక్‌కు కారణమవుతుంది. అందువల్ల, కొలెస్ట్రాల్‌ను అదుపులో ఉంచే వాటిని మీ ఆహారంలో చేర్చుకోవాలి. అల్పాహారంలో కొన్ని ఆహారాలను తింటే కొలెస్ట్రాల్ స్థాయిని అదుపులో ఉంచడంతోపాటు.. ఆరోగ్యాన్ని కాపాడుతుంది.ఓట్స్ కేవలం గుండెకు మాత్రమే కాకుండా మొత్తం ఆరోగ్యానికి కూడా మంచిదని ఆరోగ్య నిపుణులు చెబుతున్నారు.ముఖ్యంగా దీన్ని బ్రేక్‌ఫాస్ట్‌లో చేర్చుకోవడం వల్ల శరీరానికి చాలా రకాల ఆరోగ్య ప్రయోజనాలు చేకూరుతాయి. ఫైబర్ కు మంచి మూలంగా వీటిని పరిగణిస్తారు. దీనిలో, కరిగే ఫైబర్ జీర్ణవ్యవస్థలో ఉన్న LDL కొలెస్ట్రాల్‌తో జతఅవుతుంది. దీని కారణంగా చెడు కొలెస్ట్రాల్ శరీరం నుండి సులభంగా బయటకు వస్తుంది.


అలాగే ఉదయపు అల్పాహారంలో పెరుగును పండ్లతో కలిపి తీసుకుంటే శరీరానికి చాలా ప్రయోజనకరంగా ఉంటుంది. ఇది ప్రోబయోటిక్స్ కు మంచి మూలం. ఇంకా జీర్ణక్రియను మెరుగుపరచడంలో సహాయపడుతుంది. చెడు కొలెస్ట్రాల్‌ను నియంత్రించడంలో సహాయపడుతుంది.మోనోశాచురేటెడ్, పాలీఅన్‌శాచురేటెడ్ కొవ్వులు వేరుశెనగలో పుష్కలంగా ఉంటాయి. ఇవి చెడు కొలెస్ట్రాల్‌ను తగ్గించడంలో సహాయపడతాయి. ఇందులో మంచి మొత్తంలో ఫైబర్, ప్రోటీన్ ఉంటుంది. ఇది శరీరానికి ప్రయోజనకరంగా పరిగణిస్తారు.బాదం పాలు ఆరోగ్యానికి ఎంతో మేలు చేస్తాయి. ఇందులో ఆరోగ్యకరమైన కొవ్వులు, ఫైబర్, మెగ్నీషియం, విటమిన్ ఇ ఉన్నాయి. ఇవి చెడు కొలెస్ట్రాల్‌ను తగ్గించడంలో, గుండె జబ్బుల నుంచి రక్షించడంలో సహాయపడతాయి.అల్పాహారం కోసం హోల్ గ్రెయిన్ శాండ్‌విచ్ తినడం మంచి ఎంపికగా పరిగణిస్తారు. దీని కారణంగా, శరీరానికి అధిక ఫైబర్, తక్కువ కేలరీలు, విటమిన్లు వంటి అనేక పోషకాలు అందుతాయి. బరువు తగ్గడానికి ప్రయోజనకరంగా ఉంటుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Health Tips

Purushottham Vinay

24/04/2024 08:50 PM