ఈ సందర్భంగా అనుపమ్ ఖేర్ తన అధికారిక ట్విట్టర్ ఖాతాలో మాట్లాడుతూ.. ‘‘హ్యాపీ బర్త్ డే.. షార్ట్ ఫిల్మ్ ఉత్తమ చిత్రంగా ఎంపికైంది. ఈ షార్మ్ ఫిల్మ్‌కుగానూ ఉత్తమ నటుడిగా ఎంపికయ్యాను. అవార్డు దక్కించుకోవడం చాలా సంతోషంగా ఉంది. ఈ షార్మ్ ఫిల్మ్ కోసం అహానా కుమ్రా సపోర్ట్ మరిచిపోలేం.’’ అంటూ చెప్పుకొచ్చారు. కాగా, ఎన్‌వైసీఐఎఫ్ఎఫ్ బెస్ట్ యాక్టర్ అవార్డు దక్కించుకున్నందుకు బాలీవుడ్ సినీ ప్రముఖులు, సెలబ్రిటీలు తమ విషేష్ చెబుతున్నారు.
హ్యాపీ బర్త్ డే లఘు చిత్రం విమర్శకుల ప్రశంసలు కూడా పొందింది. ది యాక్సిడెంటల్ ప్రైమ్ మినిస్టర్ తర్వాత అహానా, అనుమప్ నటించిన సెకండ్ ఫిల్మ్ ఇది. ప్రసాద్ కదమ్ దర్శకత్వం వహించిన ఈ లఘు చిత్రాన్ని ఎఫ్ఎన్‌పీ మీడియా నిర్మిస్తుంది. ఈ చిత్రం ఇటీవల పారిస్ ప్లే ఫిల్మ్ ఫెస్టివల్‌లో ఫైనల్‌కు చేరుకుంది. కాగా, అహానా మాధుర్ భండార్కర్ దర్శకత్వంలో ఇండియా లాక్‌డైన్, ఫ్రెంచ్ టెలివిజన్ డ్రామ్ కాల్ మై ఏజెంట్ చిత్రాల్లో నటించారు. మరోవైపు అనుపమ్ తన తదుపరి ప్రాజెక్ట్ మోహ్ మాయ కోసం షూటింగ్ ప్రారంభించారు. దీంతో అనుపమ్ కెరీర్‌తో తను నటించిన చిత్రాలు 519కి చేరుతాయి.
