ముఖ్యంగా ఈమధ్యనే పెళ్లి చేసుకున్న సౌత్ గ్లామర్ హీరోయిన్ కాజల్ కూడా సమంత బాటలో నడుస్తుంది. పెళ్లి తర్వాత ప్రత్యేకమైన సినిమాలు చేస్తూ వస్తున్న కాజల్ కమర్షియల్ సినిమాలకు ఫుల్ స్టాప్ పెట్టాలనే ఆలోచనలో ఉంది. అంతేకాదు సిస్టర్, మదర్ రోల్స్ కు ఎలాంటి అభ్యంతరం చెప్పట్లేదని తెలుస్తుంది. పాత్ర ప్రాధాన్యతని బట్టి ఎలాంటి పాత్ర అయినా చేసేస్తానని చెబుతుంది కాజల్.
తన దగ్గరకు వచ్చిన కథల్లో పాత్రకు ప్రాధాన్యత ఉన్న వాటికే ఓకే చెబుతుందట కాజల్. తను చేస్తున్న ఆచార్య, ఇండియన్ 2 సినిమాలు మాత్రమే చివరి కమర్షియల్ సినిమాలని భావిస్తుందట. భర్త గౌతం కిచ్లు కూడా కాజల్ ప్రత్యేక పాత్రలు చేస్తే ఎలాంటి అభ్యంతర చెప్పడం లేదట. సమంత అయినా హీరోయిన్ గానే చేస్తుంది కాని కాజల్ ఇంకాస్త ముందుకెళ్లి మదర్ రోల్స్ కు సై అనేస్తుందట. మొత్తానికి ఆఫ్టర్ మ్యారేజ్ ఈ ఇద్దరి హీరోయిన్స్ కెరియర్ మాత్రం జోరుగానే ఉందని తెలుస్తుంది. జాను తర్వాత సమంత కొద్దిపాటి గ్యాప్ ఇవ్వగా కాజల్ మాత్రం నాని నిర్మిస్తున్న మీట్ క్యూట్ లో కూడా అమ్మడు నటిస్తుంది. ఈ సినిమాలో కాజల్ తో పాటుగా మరో నలుగురు హీరోయిన్స్ ఉంటారని టాక్. ప్రయోగాత్మకంగా వస్తున్న ఈ సినిమాలో కాజల్ కు మంచి రోల్ ఇచ్చారని తెలుస్తుంది.