అది 2009 'ఖలేజా' షూటింగ్ జరుగుతున్న సమయం. ఒక సాంగ్ షూటింగ్ మధ్యలో కొంత గ్యాప్ రావడంతో తనకోసం ఎదురు చూస్తున్న శ్రీను వైట్ల దగ్గరికి మహేష్ బాబు వెళ్ళాడు. వెళ్లి వెంటనే మనం ఇద్దరం కలిసి ఒక సినిమా చేద్దాం అని చెప్పాడు. వెంటనే అక్కడ ఉన్న మంజుల, శ్రీను వైట్లకు కంగ్రాట్యులేషన్స్ చెప్పింది. ఎందుకంటే శ్రీను వైట్ల ను మహేష్ బాబు దగ్గరకు తీసుకు వెళ్ళింది ఆమె. ఆ తర్వాత శ్రీను వైట్ల, మహేష్ బాబు తో సినిమా అంటే డిఫరెంట్ గా ఉండాలి, అనుకొని చాలా జోనల్ లను అనుకున్నాడు. కాకపోతే 'ఖలేజా' సినిమా విడుదల చాలా లేట్ అవ్వడంతో, ప్రయోగాలు ఎందుకులే ఒక కమర్షియల్ సినిమా చేద్దాం అనుకున్నాడు. దానితో శ్రీను వైట్ల, గోపీ మోహన్ కూర్చుని ఒక కథను రెడీ చేశారు. ఆ కథ క్లైమాక్స్ తప్ప మొత్తం పూర్తయింది. క్లైమాక్స్ మాత్రం ఎంతకూ నచ్చడం లేదు. శ్రీను వైట్ల ,మహేష్ బాబు కు ఈ క్లైమాక్స్ సెట్ కాదు అనే ఉద్దేశంతో ఆ కథను పక్కన పెట్టేశాడు. దీంతో అంతా షాక్, ఇంత కష్టపడి పూర్తి చేసిన కథ పక్కన పడేసాడు అనుకున్నారు .
