కె.బాలచందర్ ఎంతో మంది హీరోయిన్లను చిత్రపరిశ్రమకు పరిచయం చేశారు. వారిలో సరిత కూడా ఒకరు. విలక్షణ నటుడు కమల్ హీరోగా బాలచందర్ దర్శకత్వంలో తెరకెక్కిన మరో చరిత్ర సినిమాలో సరిత హీరోయిన్ గా ఎంట్రీ ఇచ్చారు. మొదటి సినిమానే సూపర్ హిట్ కావడంతో సరితకు ఒక్కసారిగా స్టార్డం వచ్చేసింది. వరుస అవకాశాలు వచ్చి ముంగిట వాలాయ్. ఈక్రమంలోనే సినిమా షూటింగ్ లతో ఎంతో బిజీగా ఉన్న సమయంలోనే హీరోయిన్ సరిత షాకింగ్ నిర్ణయం తీసుకుందట. డబ్బింగ్ ఆర్టిస్ట్ గా అవతారమెత్తింది
ఇతర హీరోయిన్లకు గాత్ర దానం చేయడం మొదలుపెట్టింది. ఇక తాను డబ్బింగ్ ఆర్టిస్ట్ గా ఎలా మారాను అన్న విషయాన్ని అప్పట్లో ఓ ఇంటర్వ్యూలో చెప్పుకొచ్చింది సరిత. దాసరి నారాయణరావు తెరకెక్కించిన గోరింటాకు సినిమాలో హీరోయిన్ సుజాత కు డబ్బింగ్ చెప్పడంతో డబ్బింగ్ ఆర్టిస్ట్ గా తన కెరీర్ మొదలైంది అంటూ చెప్పుకొచ్చింది. ఆ తర్వాత మెళుకువలు నేర్చుకోవడంతో డబ్బింగ్ చెప్పడం ఎంతగానో ఆనందాన్ని ఇచ్చింది అంటూ సరిత తెలిపింది. ఇక మూడు షిఫ్టుల్లో సినిమా షూటింగులు ఉన్నప్పటికీ నైట్ షిప్టులో కష్టపడి మరీ డబ్బింగ్ చెప్పడానికి ఇష్ట పడేదాన్ని అంటూ సరిత తెలిపింది. తన కెరీర్లో ఎంతో మంది హీరోయిన్లకు డబ్బింగ్ చెప్పానని తెలిపింది సరిత. ఇలా ఎంతోమంది హీరోయిన్లు స్టార్ హీరోయిన్లు గా మారడానికి హరిత గాత్రదానమే కారణం అని కూడా అంటూ ఉంటారు.
