ఇక నిన్న 'కేజీఎఫ్-2' ట్రైలర్ విడుదలైంది. మొదటి భాగంతో పోలిస్తే.. కాస్టింగ్ పరంగా ఇంకా బడ్జెట్ విషయంలో రెండో చాప్టర్ మరింత భారీగా కనిపిస్తోంది.బాలీవుడ్ స్టార్స్ సంజయ్ దత్ ఇంకా రవీనా టాండన్ లతో పాటుగా టాలీవుడ్ విలక్షణ నటులు ప్రకాశ్ రాజ్ - రావు రమేశ్ - ఈశ్వరీ రావు వంటి పాపులర్ నటీనటులు ఈ సినిమాలో భాగమయ్యారు. యాక్షన్ - విజువల్స్ - కోలార్ ఫీల్డ్ గనులు - బ్యాగ్రౌండ్ స్కోర్ ఇవి అన్నీ కూడా అభిమానులను ఎంతగానో అలరిస్తున్నాయి.అయితే 'కేజీఎఫ్ 2' అంటే ఫస్ట్ పార్ట్ కంటే భారీగా ఉండాలని.. భారీ తనం మీదే ఎక్కువ ఫోకస్ పెట్టారేమో అనే సందేహాలు కలుగుతున్నాయి. పెద్ద షిప్ - జెట్ లతో చాలా గ్రాండియర్ గా తీసినట్లు చూస్తుంటేనే తెలుస్తోంది. కానీ హీరో పాత్రకు ఎలివేషన్స్ ఇచ్చే సరైన సీన్లు లేకుండా ట్రైలర్ కట్ చేశారనే కామెంట్స్ కూడా వినిపిస్తున్నాయి.'కేజీఎఫ్' సినిమాలో పెద్ద కథ లేకపోయినా.. దానికి మదర్ సెంటిమెంట్ అనేది పెద్ద మూలంగా కనిపించింది.



 ఫస్ట్ పార్ట్ లో హై వోల్టేజ్ యాక్షన్ ఇంకా హీరోయిజాన్ని ఎలివేట్ చేసే సీన్స్ ను ప్రధానంగా చూపించారు. తల్లికి ఇచ్చిన మాట కోసం రాకీ ఒక సామ్రాజ్యాన్ని ఏర్పరచుకుని రాకీ భాయ్ గా ఎలా మారాడనేది స్పష్టంగా చూపించబోతున్నారు.ఇక ఈ క్రమంలో అధీరా వంటి భయంకరమైన విలన్లతో హీరో ఎలా ఫైట్ చేశాడు.. రాజకీయ నాయకులను ఎలా ఎదుర్కొన్నాడనేది రెండో అధ్యాయంలో ఫ్యాన్స్ లో ఎంతో ఆసక్తి కలిగించే అంశాలు. కాకపోతే అప్పుడు మొదటి పార్ట్ మీద ఎలాంటి అంచనాలు లేవు. కానీ ఇప్పుడు చాప్టర్-2 మీద అయితే అంచనాలు ఏకంగా ఆకాశాన్ని తాకుతున్నాయి.ఈ సినిమా ట్రైలర్ చూస్తుంటే దర్శకుడు ప్రశాంత్ నీల్ భారీతనాన్ని ఇంకా అలాగే భారీ యాక్షన్ సీన్లనే నమ్ముకున్నాడనే కామెంట్స్ వస్తున్నాయి. పాన్ ఇండియా మోజులో ఇటీవల గ్రాండ్ గా తీసిన సినిమాలు చాలా వరకు కూడా కథ లేకపోవడంతో బాక్సాఫీస్ వద్ద చాలా దారుణంగా బోల్తాకొట్టాయి. మరి ఇప్పుడు 'కేజీఎఫ్ 2' సినిమా ఎలాంటి విజయాన్ని అందుకుంటుందో అనేది చూడాలి.

మరింత సమాచారం తెలుసుకోండి:

KGF2

Purushottham Vinay

28/03/2022 03:40 PM