ఆ తర్వాత కొంతకాలానికి హీరోయిన్గా మెరిసిన ఈమె తెలుగు , మలయాళం ఇండస్ట్రీలలో బాగా పేరు తెచ్చుకొని .. ఆ తర్వాత ఇండస్ట్రీకి దూరం అయింది. కొంతకాలానికి తన కొడుకు తరుణ్ ని కూడా చైల్డ్ ఆర్టిస్ట్ గా అంజలి సినిమా ద్వారా ఇండస్ట్రీకి పరిచయం చేసింది. ఈ సినిమా తర్వాత హీరోగా మారి నువ్వే కావాలి , ప్రియమైన నీకు, నువ్వే నువ్వే, నువ్వు లేక నేను లేను వంటి బ్లాక్ బాస్టర్ చిత్రాలతో భారీ విజయాన్ని సొంతం చేసుకున్న తరుణ్ ఆ తర్వాత కాలంలో ఇండస్ట్రీలో రాణించలేక త్వరగా ఫేడ్ అవుట్ అయ్యారు.
ఇకపోతే తాజాగా ఒక ఇంటర్వ్యూలో పాల్గొన్న రోజా రమణి మాట్లాడుతూ.. అంజలి సినిమా విడుదలయ్యి మంచి విజయం సాధించడంతో చాలా సంతోషంగా ఫీల్ అయ్యాము. ఒకసారి టీవీ చూస్తున్న సమయంలో నేషనల్ అవార్డ్స్ ప్రకటన వచ్చినప్పుడు.. అంజలి సినిమాలో నటించిన ముగ్గురికి నేషనల్ అవార్డ్స్ అంటూ మొదటి పేరు తరుణ్ ది చెప్పగా.. మా సంతోషానికి అవధులు లేకుండా పోయాయి.. అయితే అది రిపీట్ చేసి వినే సదుపాయం అప్పట్లో లేదు.. కాబట్టి నిజమా కాదా అనేది అర్థం కాక వెంటనే మణిరత్నం గారి కో డైరెక్టర్ పాణి గారికి ఫోన్ చేసి అడిగాము.. ఆయన హ్యాపీనే కదా అని అన్నారు.. ఆ క్షణం నేను , మా ఆయన ఇద్దరం ఎమోషనల్ అయ్యాము అంటూ ఆమె తన సంతోషాన్ని వెల్లడించింది.
