దీనితో షూటింగ్ చాలా ఆలస్యమయింది. ఇప్పుడు పరిస్థితి కొంచెం మెరుగైంది కాబట్టి మళ్ళీ షూటింగ్ మొదలుపెట్టారు. అయితే చిరంజీవి పార్ట్ వరకు చిత్రీకరణ జరుపుతున్నారు, ఎందుకంటే కాజల్ అగర్వాల్ ఇటీవలే పెళ్లి చేసుకుని హనీ మూన్ లో ఉంది. అలాగే రామ్ చరణ్ రాజమౌళి తెరకెక్కిస్తున్న ఆర్.ఆర్.ఆర్ మూవీతో బిజీ గా ఉండడంతో, తన షూటింగ్ పెండింగ్ లో ఉంది. దీనికి కూడా రామ్ చరణ్ డేట్స్ ఇచ్చారని చిత్ర యూనిట్ తెలిపినది. సంక్రాంతి అయిపోయిన వెంటనే ఆచార్య షూటింగ్ లో పాల్గొనబోతున్నట్లు చెప్పారు.
అంతేకాకుండా రామ్ చరణ్ కు సంబంధించిన షూటింగ్ భాగాన్ని ఒకే షెడ్యూల్ లో పూర్తి చేస్తారని చెప్పడంతో, అభిమానుల ఆనందానికి హద్దే లేకుండా పోయింది. మరియు చిరు రామ్ చరణ్ లకు ఉన్న ఎపిసోడులను కూడా ఏకకాలంలో పూర్తి చేస్తారని చెప్పారు. అటు కాజల్ కూడా డిసెంబర్ లో చిత్ర యూనిట్ ని కలవబోతోంది. ఇప్పటికే రాజమౌళి తో కలిసి మాట్లాడి ఈ నిర్ణయం తీసుకున్నట్లు డైరెక్టర్ కొరటాల శివ తెలిపారు. ఈ సినిమాను 2021 వేసవి కాలంలో విడుదల చేయడానికి అన్ని ఏర్పాట్లను చేసుకుంటోంది చిత్ర బృందం.