మొదటి సినిమా భద్ర నుండి రాబోయే అఖండ వరకు బోయపాటి శ్రీను సినిమా అనగానే ఆడియెన్స్ మైండ్ లో ఒక ఫార్మెట్ ఫిక్స్ అయ్యి ఉంటారు. సినిమా కంటెంట్ ఎలా ఉన్నా హై ఓల్టేజ్ యాక్షన్ ఎపిసోడ్స్ పక్కా.. అంతేకాదు ఆ యాక్షన్ కు తగినట్టుగా మ్యూజిక్ డైరక్టర్ నుండి బ్యాక్ గ్రౌండ్ స్కోర్ కూడా బాగా రాబట్టుకుంటాడు. బోయపాటి శ్రీను సినిమాకు ముందు ఇమేజ్ ఎలా ఉన్నా ఆయన డైరక్షన్ లో సినిమా చేసిన తర్వాత మాత్రం మాస్ ఇమేజ్ రాకమానదు.
ప్రస్తుతం బాలకృష్ణతో చేస్తున్న అఖండ సినిమాలో కూడా మాస్ ఆడియెన్స్ ను ఏమాత్రం నిరాశపరచకుండా సినిమా ఉంటుందని చెబుతున్నారు. బాలయ్య మార్క్ నట గంభీరత్వంతో పాటుగా బోయపాటి మార్క్ మాస్ అంశాలు ఈ సినిమాలో పుష్కలంగా ఉంటాయని తెలుస్తుంది. ఈ సినిమా సక్సెస్ అయితే తమిళ హీరో సూర్యతో బోయపాటి శ్రీను సినిమా ఉంటుందని తెలుస్తుంది. సూర్యతో బోయపాటి శ్రీను తీసే మూవీని దిల్ రాజు నిర్మిస్తున్నారని తెలుస్తుంది. ఈ సినిమా తెలుగు, తమిళ భాషల్లో బైలింగ్వల్ మూవీగా వస్తుందని టాక్. ఈ సినిమాని కూడా యాక్షన్ ఎంటర్టైనర్ గా ప్లాన్ చేస్తున్నారట. ఈ సినిమా గురించి అఫీషియల్ ఎనౌన్స్ మెంట్ త్వరలో రానుందని తెలుస్తుంది.