షామిలీ దాదాపుగా చైల్డ్ ఆర్టిస్ట్ గా 42 సినిమాల్లో నటించింది. ఇక అప్పట్లోనే ఈమె స్టార్ హీరోలు సైతం అందుకనే పారితోషకం తీసుకునేది. ఇక జగదేక వీరుడు అతిలోక సుందరి సినిమాలో చైల్డ్ యాక్టర్ గా నటించి బాగా గుర్తింపు పొందింది. ఇక హీరోయిన్ గా నటించాలని తన మొదటి సినిమా"ఓయ్" సినిమాలో సిద్ధార్థ్ తో కలిసి నటించగా.. ఈమె వల్లే ఆ సినిమా ఫ్లాప్ అయిందని అప్పట్లో ఊహాగానాలు వినిపించాయి. దీంతో ఈమె తెలుగులో మళ్లీ నటించలేదు.
కోలీవుడ్ స్టార్ ధనుష్ తో కలిసి"కోడి" అనే సినిమాలో రెండవ హీరోయిన్ గా నటించడానికి ప్రయత్నించగా.. షూటింగ్ కి సరిగ్గా రాకపోవడంతో, అంతేకాకుండా ఈమె కొన్ని కండిషన్ లు పెట్టడం వల్ల నిర్మాతలు చాలా ఇబ్బంది పడ్డారట. దాంతో ఈ అవకాశాన్ని కూడా చేతులారా పోగొట్టుకుంది. ఇక తన అక్క షాలిని కూడా మంచి హీరోయిన్ గా పేరు పొంది, ఎన్నో సినిమాల్లో నటించింది. ఇక తన అక్క ( షాలిని) హీరో అజిత్ ను పెళ్లి చేసుకున్న విషయం మనకు తెలిసిందే. ఇక ఈయన సపోర్టుతో అయినా షామిలి హీరోయిన్ కాలేకపోయింది. దీనికి బలమైన కారణం ఏమిటంటే తన బిహేవియర్ తోనే తన సినీ జీవితాన్ని నాశనం చేసుకుంది అని ఊహాగానాలు వినిపిస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి