2018లో విజేత చిత్రం ద్వారా కల్యాణ్దేవ్ వెండితెరకు ప‌రిచ‌య‌మైన విష‌యం తెలిసిందే. మాళ‌వికా నాయ‌ర్ క‌థానాయిక‌గా రాకేష్ శ‌శి ద‌ర్శ‌క‌త్వంలో వచ్చిన ఈ చిత్రానికి అప్ప‌ట్లో బాహుబ‌లి చిత్రానికి ఛాయాగ్రాహ‌కుడిగా పని చేసిన కేకే సెంథిల్‌కుమార్, రంగ‌స్థ‌లం చిత్రానికి వ‌ర్క్ చేసిన రామ‌కృష్ణ వంటి సాంకేతిక నిపుణులు పని చేశారు. ఈ చిత్రం ప్రారంభం నుంచీ విడుదల వ‌ర‌కు మెగాస్టార్ చిరంజీవి కూడా ప్రచారంలో పాల్గొన్నారు. ఈ చిత్రం మంచి టాక్‌నే తెచ్చుకుంది. హీరోగా క‌ల్యాణ్‌దేవ్‌కు కూడా మంచి మార్కులే ప‌డ్డాయి. మొత్తానికి మెగా ఫ్యామిలీ మెంబ‌ర్‌గా క‌ల్యాణ్ దేవ్‌ ఎంట్రీ గ్రాండ్ గానే జ‌రిగింది. దీంతో ఇత‌డు కూడా త్వ‌ర‌లోనే స్టార్ హీరోల జాబితాలో చేరిపోతాడ‌న్న‌విశ్లేష‌ణ‌లు కూడా వినిపించాయి. ఆ త‌ర్వాత చాలా గ్యాప్ త‌ర్వాత కల్యాణ్దేవ్ సూప‌ర్‌మ‌చ్చి ద్వారా ప్రేక్ష‌కుల‌ను ప‌ల‌క‌రించబోతున్నాడు. కాగా ఇదే ఏడాది ఈ హీరో న‌టించిన కిన్నెర‌సాని మూవీ కూడా విడుదలకు సిద్ధ‌మ‌వుతుంది.
