టాలీవుడ్ ప్రముఖ హీరోయిన్లలో ఒకరైన రెజీనా నటించిన సినిమాలలో సక్సెస్ సాధించిన సినిమాల కంటే ఫ్లాపైన సినిమాలు ఎక్కువనే విషయం తెలిసిందే.


రెజీనా నటించి కొన్నిరోజుల క్రితం థియేటర్లలో విడుదలైన శాకిని ఢాకిని ఆశించిన స్థాయిలో సక్సెస్ సాధించలేదు. కొరియన్ సినిమాకు రీమేక్ గా సుధీర్ వర్మ డైరెక్షన్ లో తెరకెక్కిన ఈ సినిమా అన్ని వర్గాల ప్రేక్షకులను మెప్పించడంలో ఫెయిలైంది. శాకిని డాకిని ప్రమోషన్స్ లో భాగంగా రెజీనా మ్యాగీ అంటూ చేసిన కామెంట్లు హాట్ టాపిక్ అయిన విషయం తెలిసిందే.


అయితే తాజాగా రెజీనా ఒక పోస్ట్ చేయగా ఆ పోస్ట్ గురించి సోషల్ మీడియా వేదికగా చర్చ జరుగుతోంది. డైరెక్టర్ హరీష్ శంకర్ గురించి పరోక్షంగా సెటైర్లు వేస్తూ రెజీనా ఈ పోస్ట్ చేయడం గమనార్హం. హరీష్ శంకర్ డైరెక్షన్ లో సాయితేజ్, రెజీనా హీరోహీరోయిన్లుగా సుబ్రహ్మణ్యం ఫర్ సేల్ సినిమా తెరకెక్కిన  విషయం తెలిసిందే. 2015 సంవత్సరం సెప్టెంబర్ 24వ తేదీన విడుదలైన ఈ సినిమా ప్రేక్షకులను ఎంతగానో ఆకట్టుకుంది.


 


సినిమా విడుదలై ఏడేళ్లు కావడంతో హరీష్ శంకర్ సోషల్ మీడియా వేదికగా సుబ్రహ్మణ్యం ఫర్ సేల్ విడుదలై ఏడేళ్లు అయిందంటే నేను నమ్మలేకపోతున్నానని సాయితేజ్ కు ఆ సినిమాకు పని చేసిన టెక్నీషియన్లకు థ్యాంక్స్ చెప్పారు. అయితే హరీష్ శంకర్ రెజీనాకు థ్యాంక్స్ చెప్పడం మరిచిపోయారు. సుబ్రహ్మణ్యం ఫర్ సేల్ డైరెక్టర్ కు క్యారెక్టర్ లేదంటూ పరోక్షంగా అర్థం వచ్చేలా రెజీనా పోస్ట్ చేశారు.


 


తన పోస్ట్ లో సినిమాలోని డైలాగ్ అయిన సీతతో అంత ఈజీ కాదు అనే డైలాగ్ ను కూడా పోస్ట్ చేశారు. హరీష్ శంకర్ కు ఒకవైపు థ్యాంక్స్ చెబుతూనే పరోక్షంగా రెజీనా వేసిన సెటైర్లు హాట్ టాపిక్ అయ్యాయి. రెజీనా కామెంట్ గురించి హరీష్ శంకర్ నుంచి ఎలాంటి రెస్పాన్స్ వస్తుందో చూడాల్సి ఉంది. రెజీనా సెటైర్లను చూసి కొందరు నెటిజన్లు రెజీనాలో ఇంత ఫైర్ ఉందా అని సోషల్ మీడియాలో కామెంట్లు చేస్తున్నారట.

మరింత సమాచారం తెలుసుకోండి: