ఇప్పటి వరకు కన్నడలో కెజిఎఫ్ సిరీస్ తరువాత మంచి పేరును తెచ్చుకున్న సినిమాగా ఖ్యాతిని తెచ్చుకుంది. ఈ సినిమా ప్రభావం వలన అటు టాలీవుడ్ , బాలీవుడ్ లో ఒక మోస్తరు కలెక్షన్ లు తెచ్చుకునే సినిమాలు కూడా కలెక్షన్ లు బాగా తగ్గిపోయి దెబ్బతిన్నాయి. ఇప్పటి వరకు ఈ సినిమా 350 కోట్ల గ్రాస్ కలెక్షన్ లతో ముందుకు వెళుతోంది. కాంతారా సినిమాకు సీక్వెల్ ను కూడా ప్లాన్ చేస్తున్నట్లు తెలుస్తోంది.. కానీ దీనికి సంబంధించిన అధికారిక సమాచారం రావాల్సి ఉంది. అలా ఒక హీరోగా మరియు దర్శకుడిగా దేశం అంతటా రిషబ్ శెట్టి పేరు మారుమ్రోగిపోతోంది.
ఇప్పటికే అన్ని ఇండస్ట్రీల నుండి రిషబ్ కు ఆఫర్ లు వస్తున్నాయట. అయితే టాలీవుడ్ నుండి వినిపిస్తున్న గుసగుసల ప్రకారం బడా ప్రొడ్యూసర్ దిల్ రాజు రిషబ్ శెట్టికి బంపర్ ఆఫర్ ఇచ్చారట. కాంతారా తరహాలో ఒక మంచి సబ్జెక్టు ను రెడీ చేయమని చెప్పారట. తన నిర్మాణంలో దర్శకుడిగా ఛాన్స్ ఇవ్వనున్నారని వినిపిస్తోంది. ఈ వార్తలో ఎంతవరకు నిజం ఉందో తెలియదు. త్వరలోనే వీరి నుండి అధికారిక ప్రకటన వచ్చే అవకాశం ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి