ఇక మంగ్లీ ప్రతి పండుగకు కూడా ఒక ప్రైవేట్ సాంగ్ పాడి స్పెషల్ వీడియో షూట్ చేయించి తన యూట్యూబ్ ఛానల్ లో అప్లోడ్ చేస్తూ భారీ పాపులారిటీ సొంతం చేసుకుంటున్న విషయం తెలిసిందే. ఈ నేపథ్యంలోనే ప్రస్తుతం తెలంగాణలో బోనాలు జరుగుతున్న సందర్భంగా అక్కడ ఒక ప్రైవేట్ సాంగ్ షూటింగ్ జరుగుతుంది. ఆ షూటింగ్ సమయంలోనే మంగ్లీ జారి కింద పడడంతో ఆమె కాలికి గాయం అయ్యిందని తెలుస్తోంది. దీంతో వెంటనే యూనిట్ మొత్తం మంగ్లీని హాస్పిటల్ కి తరలించగా వైద్యులు చికిత్స అందించిన అనంతరం ఆమెను డిశ్చార్జ్ చేశారని తెలుస్తోంది.
మంగ్లీ కొద్ది రోజులపాటు బెడ్ రెస్ట్ తీసుకోవాలని లేకపోతే కాలు నొప్పి మరింత తీవ్రతరం అయ్యే అవకాశాలు ఉన్నాయి అని సమాచారం. ఏది ఏమైనా మంగ్లీ ఇలా కాలి నొప్పితో బాధపడుతుండడంతో అభిమానులు ఆందోళన వ్యక్తం చేస్తున్నారు. అటు అభిమానులే కాదు ఇటు సెలబ్రిటీలు కూడా ఆమె త్వరగా కోలుకోవాలని ఆకాంక్షిస్తున్నారు. ఇకపోతే మంగ్లీ తన కెరీర్ను ముందుకు తీసుకువెళ్లడమే కాదు తన చెల్లెల్ని కూడా ఇండస్ట్రీకి పరిచయం చేసిన విషయం తెలిసిందే ఇంద్రవతి చౌహన్ గా ఇండస్ట్రీకి పరిచయమైన ఆమె పుష్ప సినిమాలో ఐటమ్ సాంగ్ పాడి ఆమె కూడా అక్కకు తగ్గ చెల్లెలు అనిపించుకుంటుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి