రీసెంట్ బ్లాక్ బస్టర్ హిట్ 12th ఫెయిల్‌ గురించి ప్రత్యేకంగా చెప్పనవసరం లేదు. చిన్న సినిమాగా ఎలాంటి అంచనాలు లేకుండా విడుదల అయ్యి పెద్ద బ్లాక్ బస్టర్ హిట్ అయ్యింది.ఈ సినిమాకి చాలా మంచి ప్రేక్షకాధారణ లభించింది. ఇక ఇప్పుడు ఈ సినిమా టీవీల్లో ప్రసారమవడానికి సిద్ధమైంది. ఈ సినిమా అక్టోబర్ 27, 2023న థియేటర్లలో విడుదలైంది. కేవలం మౌత్‌ టాక్ తో సూపర్ హిట్ టాక్ అందుకున్న ఈ మూవీకి ప్రేక్షకులు, విమర్శకులు ఫుల్‌ మార్కులు వేశారు.ఆ తర్వాత OTTలోకి అందుబాటులోకి వచ్చింది. అక్కడ కూడా ఈ సినిమా సూపర్ హిట్ అయింది. ఇప్పుడు '12th ఫెయిల్' టెలివిజన్‌లో ప్రసారమయ్యే టైం వచ్చేసింది. ఈ మూవీలో హీరోగా నటించిన విక్రాంత్ మాస్సే 12th ఫెయిల్ టెలివిజన్ ప్రీమియర్ గురించి అప్డేట్ ఇచ్చాడు.నిరుపేద కుటుంబానికి చెందిన ఓ కుర్రాడు ఐపీఎస్ అధికారిగా ఎదిగిన వాస్తవ కథ ఆధారంగా '12th ఫెయిల్' సినిమా తెరకెక్కింది. విధు వినోద్ చోప్రా ఈ మూవీకి దర్శకత్వం వహించారు.


ఈ మూవీలో విక్రాంత్ మాస్సే, మేధా శంకర్ తదితరులు ముఖ్య పాత్రలు పోషించారు. థియేటర్లు అలాగే OTTలో ఈ మూవీని మిస్ అయిన వారు ఇప్పుడు టీవీలో చూడటానికి రెడీ అవుతున్నారు.ఇక ఈ సినిమా ఫిబ్రవరి 29 గురువారం రాత్రి 8 గంటలకు 'సోనీ మ్యాక్స్' ఛానెల్‌లో ప్రసారం అయ్యింది. థియేటర్లలో, OTTలో సూపర్ హిట్ అయిన ఈ సినిమా ఇప్పుడు బుల్లితెరపై కూడా భారీ TRP ని పొందుతుందని అంచనా వేస్తున్నారు. అనుకున్నట్టుగానే ఈ మూవీ మంచిTRP దక్కుతుందని తెలుస్తోంది. '12th ఫెయిల్‌' మూవీ బాక్సాఫీస్‌ వద్ద 56.75 కోట్ల రూపాయలు వసూలు చేసింది.ఇక ఈ సినిమా 69వ ఫిల్మ్‌ఫేర్ అవార్డ్స్‌లో 5 అవార్డులను గెలుచుకుంది. విక్రాంత్ మాస్సే నటనను అయితే అందరూ మెచ్చుకుంటున్నారు. పలువురు బాలీవుడ్ ప్రముఖులు కూడా ఈ మూవీపై ప్రశంసలు కురిపించారు. '12th ఫెయిల్‌' తో విజయం సాధించడంతో విక్రాంత్‌ మాస్సే పెద్ద స్టార్‌ హీరో అయిపోయాడు. ఇప్పుడు 'ది సబర్మతి రిపోర్ట్' అనే సినిమాలో నటిస్తున్నాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

12 TH FAIL

Purushottham Vinay

29/02/2024 09:20 PM