సూపర్ స్టార్ రజినీకాంత్ నటించిన జైలర్`సినిమా గత సంవత్సరం కోలీవుడ్‌ బ్లాక్‌బస్టర్ హిట్‌లలో ఒకటి. ఇది రజనీలోని మాస్ అండ్ క్లాస్ అవతార్‌ను మరోసారి వెండితెరపై చూపించింది.ఈ మూవీ ప్రపంచ వ్యాప్తంగా బాక్సాఫీస్ వద్ద 600 కోట్లకు పైగా గ్రాస్ వసూలు చేసింది. నెల్సన్ గత కొన్ని నెలల నుంచి జైలర్ సీక్వెల్ కోసం పని చేస్తున్నాడు. తాజాగా తెలుస్తున్న సమాచారం ప్రకారం ఈ సీక్వెల్ టైటిల్ ఖరారైంది.డైరెక్టర్ నెల్సన్ దిలీప్ కుమార్ ఈ సినిమా సీక్వెల్ టైటిల్‌గా `హుకుమ్ ని పరిశీలిస్తున్నారు. జైలర్‌లోని హుకుమ్ పాట ఒక భారీ చార్ట్‌బస్టర్ గా నిలిచింది. అది విడుదలైనప్పటి నుండి హుకుమ్ అనే పదం బాగా ట్రెండ్ అయ్యింది. ఈ టైటిల్ కూడా ఎంతో పవర్ ఫుల్ గా ఆకర్షిస్తోంది. అందువల్ల ఈ ఆకర్షణీయమైన పదంతో సీక్వెల్‌కు టైటిల్ పెట్టడం సముచితంగా ఉంటుందని డైరెక్టర్ నెల్సన్ దిలీప్ కుమార్ భావిస్తున్నాడు.నిజానికి  జైలర్ సీక్వెల్‌కి జైలర్ 2`ని టైటిల్‌గా పరిగణించారని, అయితే హుకుమ్ అనేది సరైన ఎంపిక అని టీమ్‌లోని మెజారిటీ వ్యక్తులు భావించారని కూడా సమాచారం తెలుస్తోంది.


దర్శకుడు ఇప్పటికే మొదటి డ్రాఫ్ట్ స్క్రిప్టును లాక్ చేసారని సమాచారం తెలుస్తోంది. `తలైవర్ 171 సినిమాని పూర్తి చేసిన తర్వాత సూపర్ స్టార్ రజనీకాంత్ జైలర్ సినిమా సీక్వెల్ కోసం పని చేయడం ప్రారంభిస్తాడు. ఈ సీక్వెల్ 2024 చివరి నాటికి లేదా 2025 ప్రారంభంలో సెట్స్‌పైకి వెళ్లే ఛాన్స్ ఉంది. జైలర్ మూవీలో సూపర్‌స్టార్ రజనీకాంత్ టైగర్‌గా, ముత్తువేల్ పాండియన్ గా నటించాడు. దర్శకుడు నెల్సన్ దిలీప్ కుమార్ మునుపటి కథనానికి పర్ఫెక్ట్ సీక్వెల్ కోసం పని చేస్తున్నాడు. సూపర్ స్టార్ తో పాటు, నిర్మాతలు స్క్రిప్ట్‌ను ఫైనల్ చేసాక జూన్ 2024 నుండి దర్శకుడు ఈ సినిమా ప్రీ-ప్రొడక్షన్ పనులను ప్రారంభిస్తాడు. జైలర్ 2 సినిమా షూటింగ్ 2024 చివరిలో లేదా 2025 ప్రారంభంలో ప్రారంభమవుతుంది.సూపర్ స్టార్ రజనీకాంత్ కాల్షీట్లు గురించి ఆసక్తికర చర్చ సాగుతోంది. ఇక జైలర్ 2 ఎంత పెద్ద హిట్ అవుతుందో చూడాలి.

మరింత సమాచారం తెలుసుకోండి:

Rajinikanth

Purushottham Vinay

13/04/2024 05:54 PM