మహేంద్ర (రాజ్‍కుమార్ రావ్).. తన భార్య మహిమ (జాన్వీ కపూర్)లోని క్రికెట్ టాలెంట్‍ను గుర్తిస్తాడు. క్రికెట్‍లో కలలను నేరవేర్చుకునేందుకు ఆమెకు మహేంద్ర కోచింగ్ ఇవ్వడం చుట్టూ మిస్టర్ అండ్ మిసెస్ మహీ చిత్రం నడుస్తుంది. అయితే, ఈ సినిమా షూటింగ్ సమయంలో తనకు గాయాలయ్యాయని జాన్వీ కపూర్ చెప్పారు.మిస్టర్ అండ్ మిసెస్ మహీ సినిమా షూటింగ్ కోసం క్రికెట్ ప్రిపేర్ అవుతుండగా తనకు చాలా గాయాలయ్యాయని జాన్వీ కపూర్ చెప్పారు. భుజం కీళ్లు కూడా జారాయని తెలిపారు. "నేను ప్రిపేర్ అవుతున్నప్పుడు చాలా గాయాలు అయ్యాయి. నా రెండు భుజాలు కీళ్లు జారాయి. దర్శకుడు, నా ఇద్దరు కోచ్‍లు అభిషేక్ నాయర్, విక్రాంత్‍ చాలా కష్టపడి, నాకు నేర్పించారు" అని జాన్వీ చెప్పారు.మిస్టర్ అండ్ మిసెస్ మహీ సినిమా కోసం కావాల్సిన క్రికెట్‍ను నేర్చుకునేందుకు తాను జాన్వీ చాలా శ్రమించారని, తమ టార్చర్‌ను ఆమె భరించారని దర్శకుడు శరణ్ శర్మ చెప్పారు. గతంలో జాన్వీ - శరణ్ కాంబినేషన్‍లో గుంజన్ సక్సేనా మూవీ తెరకెక్కి ప్రశంసలు దక్కించుకుంది.మిస్టర్ అండ్ మిసెస్ మహీ చిత్రాన్ని జీ స్టూడియోస్‍తో కలిసి కరణ్ జోహార్ నిర్మించారు. ఈ సినిమాలో రాజ్‍కుమార్ రావ్, జాన్వీతో పాటు రాజేశ్ శర్మ, కుముద్ మిశ్రా, అభిషేక్ బెనర్జీ కీలకపాత్రలు చేశారు. మే 31న ఈ చిత్రం విడుదల కానుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి