ప్రభాస్ హీరో నాగ్ అశ్విన్ దర్శకత్వంలో తెరకెక్కుతున్న బిగ్ బడ్జెట్ మూవీ కల్కి 2898ఏడీ. ఇండియన్ ఫస్ట్ ఫ్యూచర్స్టిక్ కాన్సెప్ట్ మూవీగా ఈ సినిమా రాబోతుంది.జూన్ 27న ప్రపంచవ్యాప్తంగా మొత్తం 22 భాషలలో రిలీజ్ చేయడానికి ప్లాన్ చేస్తున్నారు. ఏకంగా 600 కోట్ల బడ్జెట్ తో వైజయంతి మూవీస్ బ్యానర్ పై స్వప్న దత్, ప్రియాంక దత్ ఈ మూవీని నిర్మిస్తున్నారు.ప్రస్తుతం ఈ మూవీ విజువల్ ఎఫెక్ట్స్ వర్క్ జరుగుతున్నాయి. జూన్ 1 నుంచి మూవీ ప్రమోషన్స్ మొదలుపెట్టబోతున్నట్లు సమాచారం తెలుస్తోంది. కల్కి మూవీని వీలైనంత త్వరగా పబ్లిక్ లోకి తీసుకువెళ్లాలని మూవీ యూనిట్ భావిస్తోంది. ఈ మూవీకి తమిళ మ్యూజిక్ డైరెక్టర్ సంతోష్ నారాయణన్ మ్యూజిక్ అందిస్తున్న సంగతి తెలిసిందే.ఇక కల్కి 2898ఏడీ మూవీలో ఏకంగా నాలుగు పాటలు ఉండేలా నాగ్ అశ్విన్ స్క్రీన్ ప్లే డిజైన్ చేశారంట.వాటిలో రెండు రొమాంటిక్ సాంగ్స్ గా ఉంటాయని తెలుస్తోంది. అలాగే ఒక సాంగ్ మంచి డాన్స్ నెంబర్ కూడా ఉండబోతుందంట. వీటిలో రిలీజ్ కి ముందు రెండు పాటలను ప్రేక్షకుల ముందుకి తీసుకువచ్చేందుకు మూవీ యూనిట్ ప్లాన్ చేస్తోంది. ఫస్ట్ సింగిల్ గా టక్కర టక్క టక్కర అనే డాన్స్ నెంబర్ సాంగ్ ని విడుదల చేయాలని మేకర్స్ భావిస్తున్నారు.


ఈ నెలలోనే ఫస్ట్ పాటని ప్రేక్షకులకి అందించడానికి సిద్ధమవుతున్నారు. నాలుగు సాంగ్స్ తో పాటు ఒక థీమ్ సాంగ్ కూడా ఈ మూవీలో ఉండబోతుందట. కచ్చితంగా ఈ పాటలన్నీ వేరే లెవెల్ లో అద్భుతమైన విజువలైజేషన్స్ తో ప్రేక్షకుల్ని అలరిస్తాయని భావిస్తున్నారు. డైరెక్టర్ నాగ్ అశ్విన్ సరికొత్త ప్రపంచంలోకి ఆడియన్స్ ని తీసుకువెళ్లడానికి సిద్ధమవుతున్నాడట.ఈ సినిమాలో ప్రభాస్ కి జోడిగా దిశపటాని, దీపిక పదుకొనే లాంటి స్టార్ హీరోయిన్స్ నటిస్తున్నారు. ఇంకా అలాగే కమల్ హాసన్ మూవీలో విలన్ గా కనిపించబోతున్నారు. బాలీవుడ్ సీనియర్ స్టార్ హీరో బిగ్ బి అమితాబచ్చన్ అశ్వద్ధామ పాత్రలో అలరించడానికి సిద్ధమవుతున్నారు. ఇంకా వీరితోపాటు మరికొంతమంది స్టార్ కాస్టింగ్ కల్కి 2898ఏడీ సినిమాలో ఉండబోతున్నట్లు తెలుస్తోంది.ఇండియన్ సిల్వర్ స్క్రీన్ పై అతి పెద్ద సినిమాగా రాబోతున్న కల్కి 2898ఏడీ సినిమాతో ప్రభాస్ హాలీవుడ్ మార్కెట్ లోకి అడుగుపెట్టబోతున్నాడు. ఈ మూవీ హాలీవుడ్ లో సక్సెస్ అయితే భవిష్యత్తులో మరిన్ని ఇండియన్ సినిమాలను ఇంగ్లీష్ వెర్షన్ లో స్ట్రైట్ గా థియేటర్స్ లో విడుదల చేసే ఛాన్స్ ఉంటుంది. ఇక ప్రభాస్ కూడా ఈసారి ఈ సినిమా ప్రమోషన్స్ లో ఎక్కువగా కనిపించే అవకాశం ఉంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Kalki 2898 AD

Purushottham Vinay

17/05/2024 12:57 PM