ఒకప్పుడు హిందీ డబ్బింగ్ హక్కుల కోసం నిర్మాతలు క్యూలో నిలబడితే, ఇప్పుడు మాత్రం ఆ డీల్స్ కుదరడం కూడా కష్టమైంది . ఈ పరిస్థితుల్లో నిర్మాతలు మిడ్-రేంజ్ హీరోలతో సినిమాలు చేయడానికి జంకిపోతున్నారు. ఇండస్ట్రీ టాక్ ప్రకారం, ఒక ప్రముఖ నిర్మాత ఒక మిడ్-రేంజ్ హీరోతో చేయాలని అనుకున్న భారీ ప్రాజెక్ట్‌ను మధ్యలోనే డ్రాప్ చేశాడు. మరో హీరో సినిమా నిర్మాణం మధ్యలోనే ఆగిపోయి, సెట్స్ మూతబడిన ఉదాహరణలు కూడా ఉన్నాయి. ఇక సమస్య ఇక్కడితో ఆగడం లేదు. మార్కెట్ తగ్గినా, మిడ్ - రేంజ్ హీరోలు తమ రెమ్యూనరేషన్ విషయంలో ఎలాంటి తగ్గింపు చూపడం లేదు. నిర్మాతలకు స్క్రిప్టులు పంపుతూ ఉన్నా, అవి వారికి లాభసాటిగా అనిపించడం లేదు. ఫలితంగా, ప్రాజెక్టులు పేపర్ మీదే ఆగిపోతున్నాయి.
సినిమా ఇండస్ట్రీలో ఈ పరిస్థితి ఇలా కొనసాగితే, రాబోయే కొన్నేళ్లలో ఈ మిడ్ - రేంజ్ హీరోలు పబ్లిక్ మైండ్‌లోంచి మాయమయ్యే ప్రమాదం ఉందని సినీ వర్గాలు ఆందోళన వ్యక్తం చేస్తున్నాయి. ప్రేక్షకులు ఇప్పుడు పెద్ద హీరోల సినిమాలకే ఎక్కువ ఆసక్తి చూపుతుండటంతో, మిడ్ - రేంజ్ హీరోలు తమ మార్కెట్‌ను నిలబెట్టుకోవాలంటే కథల ఎంపికలో కొత్తదనం, రెమ్యూనరేషన్‌లో తగిన తగ్గింపు తప్పనిసరి. ఒకప్పటి బాక్స్ ఆఫీస్ బుల్‌డోజర్లు, ఇప్పుడు సవాళ్లతో నిండిన రోడ్డు పై నడుస్తున్నారు. ఈ సవాళ్లను అధిగమించకపోతే , మిడ్-రేంజ్ హీరోల భవిష్యత్తు మరింత చీకటిలోకి జారిపోవడం ఖాయం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి