అప్పుడే ఒక బడా నిర్మాత పవన్ కళ్యాణ్ దగ్గరకు వెళ్లి ఆయనకు బ్లాంక్ చెక్ పెట్టాడట. “మీరు ఎంత కావాలో రాసుకోండి.. మీరు చెబితే చాలు, నేను సినిమా చేస్తాను” అని చాలా హెడ్ వెయిట్ మాటలతో మాట్లాడాడట. అయితే పవన్ కళ్యాణ్ ఆ ఆఫర్‌ని అసలు పట్టించుకోలేదు. ఎందుకంటే, ఆయనకి అప్పటికే ఆ నిర్మాత గతంలో తీరు గుర్తొచ్చింది. ఫ్లాప్‌ల సమయంలో తాను ఉన్న పరిస్థితిని చూసి అదే వ్యక్తి తనని ఎలా లెక్క చేయకుండా మాట్లాడాడో పవన్ కళ్యాణ్ మర్చిపోలేదు.దాంతో పవన్ కళ్యాణ్ చాలా క్లియర్‌గా చెప్పేశారట – “సినిమా అంటే కేవలం నా కోసం డబ్బు చేసుకోవడమే కాదు. ఇది మొత్తం 24 విభాగాలకు సంబంధించిన కళాకారులను బ్రతికించే వృత్తి. నాకు డబ్బు ముందుగా ఇచ్చేస్తానని, తర్వాత ఎలాగో ఒక డైరెక్టర్‌ని తీసుకుని సినిమా చేస్తామంటూ బిజినెస్ యాంగిల్‌తో వచ్చేవాళ్లతో నాకు పని లేదు. నా సొంత స్థాయి, నా విలువ నాకు బాగా తెలుసు” అని చెప్పి ఆ బ్లాంక్ చెక్‌ని తిరిగి ఇచ్చేశారట.
ఈ సంఘటనలో పవన్ కళ్యాణ్ ఆ పెద్దమనిషి పెద్దరికాన్ని ఎంత పద్ధతిగా దించేశాడో అప్పట్లోనే చాలామంది షాక్ అయ్యారు. ఆయనకి సినిమా అంటే కేవలం స్టార్ ఇమేజ్ కాదు, ఒక వృత్తిగా ఉన్న విలువ, సమష్టిగా బ్రతికే పరిశ్రమ అనే విషయం తెలుసు అని మరోసారి నిరూపించారు. ఇప్పుడా విషయం మళ్లీ సోషల్ మీడియాలో వైరల్ అవుతోంది. ఓజీ సినిమా సూపర్ సక్సెస్ అవడంతో, గతంలో పవన్ కళ్యాణ్ ఎదుర్కొన్న అవమానాలు, వాటిని ఆయన ఎలాంటి ధైర్యంతో తిప్పికొట్టారో ప్రజలు గుర్తుచేసుకుంటున్నారు. ఇదే కారణంగా పవన్ కళ్యాణ్ నిజమైన స్టార్, నిజమైన లీడర్ అనే అభిప్రాయం అభిమానుల్లో మరింత బలపడుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి