అఖండ 2 సినిమా సక్సెస్ తర్వాత మీడియాతో బోయపాటి మాట్లాడుతూ.. అవెంజర్స్ స్థాయిలో స్కోప్ ఉన్న చిత్రమే అఖండ.. అయితే అవెంజర్స్ అనేవి రచయితలు పుట్టించిన సూపర్ హీరో కథలు, కానీ మన దగ్గర అలాంటి హీరోలు పురాణాలలో చాలామంది ఉన్నారు. మన చరిత్ర నుంచి ఎన్నో కథలు ఎంతోమంది సూపర్ హీరోలను మనం బయటికి తీయవచ్చు. అలాంటివి రావాలి అంటే మనకు సంకల్పం, ఓపిక ఉండాలి.. ప్రేక్షకులు కూడా చూస్తున్నారు కదా! అని వెంట వెంటనే సీక్వెల్స్ తీయడం కూడా సరైనది కాదు అంటూ తెలిపారు.
రెండు మూడు సినిమాలు గ్యాప్ తీసుకొని మళ్లీ అఖండ 3 సినిమా గురించి ఆలోచిస్తాను.. అఖండ 2 సినిమా క్లైమాక్స్ లో శంబాల తలుపులు తెరుచుకోవడాన్ని చూపించాము అక్కడినుంచి అఖండ 3 మొదలవుతుందంటూ తెలియజేశారు. దీన్నిబట్టి చూస్తే అఖండ 3 సినిమా కూడా ఉంటుందని, అయితే అది ఇప్పట్లో ఉండదని కనీసం ఇతర హీరోలతో రెండు మూడు చిత్రాలు చేసిన తర్వాతే ఉంటుందని తెలుస్తోంది. ఏది ఏమైనా పనికి అఖండ 3 ఉంటుందని విషయంపై బోయపాటినే క్లారిటీ ఇవ్వడంతో అభిమానులు ఖుషీ అవుతున్నారు. డైరెక్టర్ గోపిచంద్ మలినేని దర్శకత్వంలో తదుపరిచిత్రాన్ని 2026 ఏప్రిల్ నెల నుంచి మొదలు పెట్టబోతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి