ప్రభాస్ ఇంటి దగ్గర ఎప్పుడూ అభిమానుల సందడి ఉండటం కామనే. కానీ, ఈసారి ఒక లేడీ ఫ్యాన్ తన అభిమానాన్ని చాటుకోవడానికి ఏకంగా ప్రభాస్ ఇంటి గేటు వద్దకు చేరుకుంది. ఆమె తన అభిమాన హీరోను చూడాలని, కనీసం ఒక్కసారి కళ్ళారా చూడాలని గంటల తరబడి వేచి చూసింది. సాధారణంగా స్టార్ హీరోలు బిజీ షెడ్యూల్స్ వల్ల బయటకు రావడం కష్టం. కానీ, తన ఫ్యాన్ అంతసేపు వేచి ఉందని తెలిసి ప్రభాస్ తన పెద్ద మనసును చాటుకున్నాడు.
సెక్యూరిటీ ద్వారా విషయం తెలుసుకున్న ప్రభాస్, ఆ లేడీ ఫ్యాన్ను లోపలికి రమ్మని పిలిచారట. గేటు బయట నిలబడి చూద్దామనుకున్న ఆ అభిమానికి, సాక్షాత్తు ప్రభాస్ ఇంటి లోపలి నుంచి పిలుపు రావడంతో ఆమె ఆనందానికి అవధులు లేకుండా పోయాయి.లోపలికి వెళ్ళిన ఆమెతో ప్రభాస్ చాలా సరదాగా మాట్లాడారట. ఆమె తెచ్చిన గిఫ్ట్స్ను తీసుకుని, ఆమెతో కలిసి ఫోటోలు దిగారు.: ప్రభాస్ ఇంటికి వెళ్తే ఖాళీ కడుపుతో పంపరు అనేది ఇండస్ట్రీలో ఒక నానుడి. ఆ లేడీ ఫ్యాన్కు కూడా డార్లింగ్ తనదైన స్టైల్లో ఆతిథ్యం ఇచ్చారని సమాచారం.
ప్రభాస్ను కలిసి బయటకు వచ్చిన తర్వాత ఆ లేడీ ఫ్యాన్ టీవీ9 తెలుగుతో తన అనుభవాన్ని పంచుకుంది. "నేను ప్రభాస్ గారిని కలుస్తానని అసలు ఊహించలేదు. ఆయన చాలా సింపుల్గా ఉన్నారు. నాతో చాలా ఆత్మీయంగా మాట్లాడారు. అంత పెద్ద స్టార్ అయ్యుండి కూడా నా లాంటి సామాన్య అభిమానిని లోపలికి పిలిచి మాట్లాడటం ఆయనకే సాధ్యం. నా జీవితంలో ఇది మర్చిపోలేని రోజు" అంటూ ఆనందంతో కన్నీళ్లు పెట్టుకుంది.
ప్రస్తుతం ప్రభాస్ ‘ది రాజా సాబ్’ (The raja Saab) సినిమాతో సంక్రాంతికి మాస్ విందు ఇవ్వడానికి రెడీ అవుతున్నారు. మారుతి దర్శకత్వంలో వస్తున్న ఈ సినిమాపై అంచనాలు ఆకాశంలో ఉన్నాయి. ఇలాంటి సమయంలో ప్రభాస్ తన అభిమానులతో గడుపుతున్న తీరు చూస్తుంటే, ఆయనకు ఉన్న క్రేజ్ కేవలం సినిమాల వల్లే కాదు.. ఆయన వ్యక్తిత్వం వల్ల కూడా అని అర్థమవుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి