“డియర్ సుప్రియ.. నీకంటే ఎవరూ అర్హులు కారు!” – సామ్ ఎమోషనల్ పోస్ట్!
అన్నపూర్ణ స్టూడియోస్ సమర్పణలో సుప్రియ యార్లగడ్డ నిర్మించిన ‘డెకాయిట్’ చిత్రంపై సమంత తనదైన శైలిలో ప్రశంసలు కురిపించారు. "డియర్ సుప్రియ.. డెకాయిట్ కోసం నువ్వు పడిన కష్టం, నీ పట్టుదల, సినిమాపై నీకున్న అంకితభావం అన్నీ నేను స్వయంగా చూశాను. బాక్సాఫీస్ దగ్గర బ్లాక్ బస్టర్ విజయాన్ని అందుకోవడానికి నీకంటే ఎవరూ అర్హులు కారు" అంటూ సమంత ఇన్ స్టాగ్రామ్ వేదికగా పోస్ట్ చేశారు. అక్కినేని కుటుంబానికి ఎంతో సన్నిహితురాలైన సుప్రియకు, సామ్ ఇలా బహిరంగంగా మద్దతు తెలపడం అక్కినేని అభిమానుల్లో సరికొత్త ఉత్సాహాన్ని నింపింది. ఈ చిత్రానికి దేవుడి ఆశీస్సులు ఎప్పుడూ ఉండాలని సామ్ మనస్ఫూర్తిగా కోరుకున్నారు.
‘డెకాయిట్’ రాంపేజ్.. అనురాగ్ కశ్యప్ ‘నెక్స్ట్ లెవల్’!
అడివి శేష్ సినిమాలంటేనే ఒక సస్పెన్స్, ఒక థ్రిల్. ఇప్పుడు ‘డెకాయిట్’తో ఆ మ్యాజిక్ రిపీట్ కాబోతోంది.ఈ సినిమాలో అడివి శేష్ - మృణాల్ ఠాకూర్ కెమిస్ట్రీ అదిరిపోబోతోందని ఇప్పటికే విడుదలైన ట్రైలర్ చూస్తే అర్థమవుతోంది. లవ్ స్టోరీకి యాక్షన్ ఎలిమెంట్స్ను జోడించి డైరెక్టర్ షానియల్ డియో ఒక విజువల్ వండర్ను సిద్ధం చేశారు. బాలీవుడ్ మావెరిక్ డైరెక్టర్ అనురాగ్ కశ్యప్ ఈ సినిమాలో విలన్గా నటిస్తుండటం విశేషం. ఆయన మార్క్ విలనిజం సినిమాకు పెద్ద అసెట్ కానుంది.ఏప్రిల్ 10న ప్రపంచవ్యాప్తంగా విడుదల కానున్న ఈ సినిమా కోసం అడ్వాన్స్ బుకింగ్స్ జోరుగా సాగుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి